ENRS كومپانياسىنىڭ وتكەن جىلدى قورىتىندىلاۋى ناۋرىز مەيرامىمەن تۇسپا- تۇس كەلىپ وتىر. جاقسى ىستەر جارشىسى مەن جاڭا جوبالاردى باستاۋ ءۇشىن تاپتىرماس ەڭ ءساتتى كەزەڭ ەكەنىن ەسەپكە الساق, بۇل كوڭىلگە قۋانىش ۇيالاتاتىن جاعداي.
2009 جىلدىڭ قورىتىندى قۇجاتىن ساراپتاي وتىرىپ, نەگىزگى كورسەتكىشتەردىڭ جاھاندىق ەكونوميكالىق داعدارىسقا قاراماستان جاعىمدى بايقالىمىنا كۋا بولساق, بۇل كورسەتكىشتەر وعان قوسا كومپانيانىڭ ناقتى جانە كەمەل بولاشاعىنا دەگەن سەنىمدى ۇلعايتا ءتۇسىپ وتىر.
بىرىنشىدەن, توپتىڭ تابىستى مەنەدجمەنتى, شىندىعىندا دا جاھاندىق ەكونوميكالىق قاتەرلەرگە قارسى جەدەل جۇمىس جاساپ قانا قويماي, ءناتيجەلى جاۋاپ بەرە الدى. رەكوردتىق قىسقا ۋاقىتتا كاسىپورىندار بارلىق ءمۇمكىندىكتەرىن كورسەتە الدى. ءونىم ءوندىرىسىن رەتتەۋگە بايلانىستى قابىلدانعان شارالاردى قوسا الساق, شىعىندى ازايتۋ جانە ۇجىمدى ساقتاپ قالۋعا باعىتتالعان داعدارىسقا قارسى باعدارلاما سايكەسىنشە ءناتيجەسىن بەرىپ تە ۇلگەردى. وندىرىستىك ەسەپتە جاھاندىق سيپاتتاعى ەكونوميكالىق ماسەلەلەر اسەرىنەن بولعان ENRS كومپانياسىنداعى ۋاقىتشا قيىندىقتاردى جەڭىپ, ونى العا باسۋعا اسەر ەتكەن فاكتىلەر ءجيى كەزدەسەتىنىن اتاپ وتسەك دەيمىز. نەگىزگى كورسەتكىشتەر جاھاندىق ەكونوميكالىق اپاتتارعا قاراماستان, تۇراقتى كۇيىندە قالىپ, العاشقى جارتىجىلدىقپەن سالىستىرعاندا ەكىنشى جارتىجىلدىقتا ءوندىرىس كولەمى تولىقتاي قالپىنا كەلتىرىلگەندىگىن بايقاۋعا بولادى. ءونىم ءوندىرىسى جونىندەگى ەسەپتىك سانداردى ناقتىلاي تۇسسەك, فەرروقورىتپا, تەمىر رۋداسى ونىمدەرى مەن كومىر بويىنشا ولار 2008 جىلمەن سالىستىرعاندا تۇراقتى ەكەندىگى كوزگە انىق بايقالادى. ال اليۋميني جانە ەلەكتر ەنەرگياسىنىڭ كورسەتكىشتەرى وتە جوعارى دەڭگەيدە.
ەكىنشىدەن, توپ باسشىلىعى 2009 جىلدىڭ قيىن جاعدايلارىندا باسىم باعىتتى قىزمەتكەرلەردىڭ جاعدايىنا ارناپ, سولاردى ساقتاپ قالۋعا تىرىستى. ءبىر دە ءبىر قىزمەت ورنىن قىسقارتپاستان, سونداي-اق, مەموراندۋمدارعا ءسايكەس الەۋمەتتىك جاۋاپكەرشىلىك (3,7 ملرد. تەڭگە), تۇرعىن ءۇي باعدارلاماسى بويىنشا مىندەتتەمەلەردى تولىقتاي جۇزەگە اسىردى. ءبىرنەشە مىڭداعان ۇجىم بۇل شارانى ەڭ جوعارعى ديۆيدەند ەكەندىگىن كەپىلدەندىرەتىن كومانيانىڭ نەگىزگى اكتيۆى دەپ سەنىمدىلىكپەن ايتتى.
كومپانيانىڭ بولاشاعىن ساراپتاۋدا نەگىزگى دالەل رەتىندە ءتۇرلى سالالارعا جۇمسالعان ناقتى شىعىندى كەلتىرۋگە بولادى. ءوتكەن قورىتىندى جىلدا كومپانيانىڭ بۇل كورسەتكىشى 1 147 ملن. اقش دوللارىن قۇرادى. ورتاشا مەرزىمدى ۋاقىتقا ارنالعان كورپوراتيۆتىك باعدارلامانىڭ جالپى قۇنى 5,8 ملرد. دوللار بولدى. مۇنىڭ ىشىندە جۇزەگە اسىرىلىپ جاتقان جوبالار عانا ەمەس, سونىمەن قاتار جوسپاردا تۇرعاندارى دا بار. قارجىنىڭ 1,5 ملرد. تەڭگەسى 2010 جىلدىڭ ەنشىسىنە تيەسىلى. بۇل كورسەتكىشتەردىڭ كومپانيانىڭ ستراتەگيالىق دامۋىنىڭ جاقسى جولدا ەكەندىگىن كۋالاندىراتىن وزگە دە ساندار سەكىلدى سەنىمدى ەكەندىگىندە داۋ جوق. اتالمىش جوبالار تەك كومپانيا ءۇشىن عانا ەمەس, قازاقستاندىق ەكونوميكا ءۇشىن دە ماڭىزدى جوبالار دەسەك, ارتىق ايتقاندىق ەمەس. بىرنەشە ينۆەستيتسيالىق جوبالاردىڭ تابىستى باستالۋى كورپوراتسيانىڭ جالپى قارجىلىق جاعدايىن جاقسارتا ءتۇستى. الدىڭعى كەزەكتە اقتوبەدەگى 440 مىڭ توننالىق قۋاتپەن فەرروقورىتپا زاۋىتىنىڭ 4 قورىتپا تسەحى قۇرىلىسىنىڭ باستالۋىن ايتۋعا بولادى. ونىڭ ۇلكەن ماڭىزى بار ەكەندىگى تۋرالى ەلباسىنىڭ ءوزى دە ەرەكشە اتاپ ايتقان بولاتىن. تاۋەلسىز ساراپشىلار ەلىمىزدەگى ەلەكتروليز زاۋىتى قۇرىلىسىنىڭ ەكىنشى كەزەڭىنىڭ باستالۋىن قازاقستاننىڭ اليۋميني ءوندىرىسىندەگى جاڭا ءداۋىر دەپ اتاپ ءوتتى. ونىڭ تەحنولوگيالىق قۇرامىنا انود ءوندىرىسى تسەحى دا كىرەدى (تسەحتىڭ ىسكە قوسىلۋى 2011 جىلعا جوسپارلانىپ وتىر). وعان قوسا, ناقتى شىعىندار جوسپارىنا ءسايكەس, 2011 جىلعا قاراي گلينوزەم ءوندىرىسىن 300 مىڭ تونناعا كەڭەيتۋ كوزدەلۋدە. جوبا قۇنى – 305 ملن. اقش دوللارىن قۇرايدى. اقسۋ ەەس ەنەرگەتيكا بولىمشەسىندە 325 مەگاۆاتتىق قۋاتى بار ءىى ەنەرگوبلوكتىڭ قۇرىلىسى جوسپارلانۋدا. جوبا قۇنى 230 ملن. دوللار, ال قولدانىسقا بەرۋ مەرزىمى – 2011 جىل. سونداي-اق, التىنشى ەنەرگوبلوك قايتا ءجوندەۋدەن وتكىزىلمەك. (قۇنى - 230 ملن. اقش دوللارى, اياقتالۋ مەرزىمى – 2012 جىل.) ENRS-ءتىڭ جاڭا سەگمەنتى, وزگە دە ءتۇرلى-ءتۇستى مەتالدار بولىمشەلەرىندە مىس پەن كوبالتتى ءوندىرۋدى كەڭەيتۋ جوسپارلانىپ وتىر.
ۇشىنشىدەن, تاۋەلسىز ساراپشىلاردىڭ مويىنداۋىنشا, وتكەن جىل ENRS كومپانياسى كورپوراتيۆتىك ستراتەگيانى دۇرىس قولدانعان. ستراتەگيا اكتيۆ پورتفەلىنىڭ تۇراقتى كەڭەيۋىنە, اتاپ ايتساق, كومپانيانىڭ ءوندىرۋ سالاسى بويىنشا الەمدە جانە ايماقتا جۇمىس ىستەۋىنە, ءوندىرىس قۋاتىن جاڭالاندىرۋعا, تومەن شىعىندى ءوندىرىستى قولداۋعا, قوسىمشا قۇننىڭ قۇرىلۋىنا, ءونىم تۇرلەرىنىڭ كوبەيۋىنە باعىتتالدى. ۇلگىگە ENRS ستراتەگيالىق كۋرسىنىڭ وزگەرىسسىزدىگىن جانە جالعاستىلىعىن بەينەلەيتىن ساتىپ الۋ – سامەس تاۋ-كەن ءوندىرىسى كومپانياسىنىڭ قىركۇيەك ايىنداعى كەلىسىمشارتىن الۋعا بولادى. بۇل كومپانيانىڭ اكتيۆتەرى افريكادا ورنالاسقان. وعان قوسا الەۋەتى كۇشتى دەپ بولجانۋدا. ول كەلىسىمشارت جاقىن ۋاقىتتا قازاقستاندىق بيزنەستىڭ الەمدىك مەتاللۋرگيالىق رىنوكتاعى باعىتتارىن بەكىتە تۇسەدى. شىندىعىندا دا ساتىپ الىنعان جاڭا اكتيۆتەر ENRS پەن قازاقستاننىڭ 2009 جىلعى ترانسۇلتتىق يندۋسترياداعى قيىن جاعدايلارعا قاراماستان, الەمگە ءوز مىقتىلىقتارىن پاش ەتتى.
ENRS-ءتىڭ جىلدىق بالانسىنىڭ جاريالانۋى كوپتەگەن تاۋ-كەن جانە مەتاللۋرگيا ءوندىرىسى سالاسى بويىنشا ساراپشىلار مەن مامانداردىڭ كوپتەگەن جاريالانىمدارىنا سەبەپشى بولدى. ءوندىرىستىك قىزمەتتىڭ جاعىمدى كورسەتكىشتەرىن نەگىزگە الا وتىرىپ, بەدەلدى اۆتورلار 2010 جىل ENRS كاسىپورىندارىنىڭ بارلىعىندا داۋسىز ەكونوميكالىق ءوسىم جىلى رەتىندە اتالاتىندىعىنا سەنىم ءبىلدىرەدى. سونىمەن قاتار, كومپانيانىڭ قۇنىنىڭ ارتۋىنا دا سەبەپشى بولىپ وتىر.
2009 جىلدىڭ وندىرىستىك كورسەتكىشتەرىن جالپىلاما ەسەپكە الا وتىرىپ, داعدارىس جىلىنىڭ تابىستى الىنعاندىعى تۋرالى قورىتىندى جاساۋعا ابدەن بولادى. قازىرگى تاڭدا كاسىپورىندار بار قۋاتىمەن جۇمىس جاساۋ ءۇستىندە. ينۆەستيتسيالىق جانە يننوۆاتسيالىق جوبالار جالعاسىن تاۋىپ, جۇزەگە اسۋدا. باسقاشا ايتساق, ەۋرازيالىق كورپوراتسيا قازاقستاندىق مەتاللۋرگيانىڭ برەندى بولىپ سانالاتىندىعىن تاعى ءبىر رەت دالەلدەدى.
ۆەنەرا تۇگەلباي.