نويدا قالاسىنداعى اميتي ۋنيۆەرسيتەتىندە «وزگەرىسكە شاقىرۋ: تەحنولوگيالىق قوعامدارداعى بيزنەستى باسقارۋ ستراتەگياسى» INBUSH ERA-2020 بۇكىلالەمدىك ءسامميتى ءوتتى. وندا ءال-فارابي اتىنداعى قازۇۋ رەكتورى اكادەميك عالىم مۇتانوۆ حالىقارالىق سىيلىققا يە بولدى. بۇل تۋرالى قازۇۋ-دىڭ ءباسپاسوز قىزمەتى حابارلادى.
100-دەن استام ەل وكىلدەرىنىڭ باسىن قوسقان سامميتتە ناتيجەلەر شىعارىلىپ, ءتۇرلى نوميناتسيالار بويىنشا حالىقارالىق سىيلىقتاردىڭ يەگەرلەرى انىقتالدى. قازاقستاندىق عالىم جانە ەلدەگى جەتەكشى ۋنيۆەرسيتەتتىڭ باسشىسى «Amity Global Academic Excellence Awards» ماراپاتىنا يە بولدى.
«اكادەميك عالىم مۇتانوۆ ايگىلى عالىم, ءتۇرلى حالىقارالىق جوبالاردىڭ باستاماشىسى جانە جەتەكشىسى, جوعارى مەكتەپتىڭ تانىلعان كاسىپقوي مامانى. بۇل ماراپات الەمدىك عىلىمي جانە ءبىلىم بەرۋ كەڭىستىگىندە ءال-فارابي اتىنداعى قازاق ۇلتتىق ۋنيۆەرسيتەتىنىڭ العا جىلجۋىنا ىقپال ەتەتىن ونىڭ عىلىمي ەڭبەگى مەن كوشباسشىلىق قاسيەتتەرىنىڭ جوعارى باعالانۋى», - دەدى سامميتتە سويلەگەن اميتي ۋنيۆەرسيتەتتەرى جەلىسىنىڭ ۆيتسە-كانتسلەرى گۋريندەر سينگح.
ماراپات عالامدىق دەڭگەيدەگى عىلىم, مەنەدجمەنت جانە كاسىپكەرلىك سالاسىنداعى كوشباسشىلارعا, جاڭاشىلدارعا جانە كورنەكتى عالىمدارعا بەرىلەدى.