شىعىس قازاقستان وبلىسىنىڭ زىريان اۋدانىنداعى «دورودنيتسا» شارۋا قوجالىعىنىڭ جايىلىمىندا جايىلىپ جۇرگەن مالدارعا شاپقان ايۋ ءتورت سيىردى جارىپ كەتكەن. بۇل تۋرالى Altaynews.kz حابارلادى.
اگەنتتىك ءتىلشىسى مۇنىڭ شارۋاشىلىقتى كەم دەگەندە 500 مىڭ تەڭگەنىڭ شىعىنىنا وتىرعىزىپ كەتكەنىن جازادى. وسىعان بايلانىستى قوجالىق باسشىسى الەكسەي پوليانسكي اۋداندىق اۋىل شارۋاشىلىعى جانە ۆەتەريناريا بولىمىنەن تۋىنداپ وتىرعان پروبلەمانى شەشىپ بەرۋدى ءوتىنىپ, جاردەم سۇرادى. ال ءبولىم ءدال سونداي ءوتىنىشتى بىردەن وبلىستىق ورمان جانە اڭ شارۋاشىلىعىنا جولدادى. ماماندار اۋداندىق اڭشىلار جانە بالىقشىلار وداعى باسقارماسىنىڭ توراعاسى الەكساندر گانانى دا كومەككە شاقىردى.
جالپى, مايماقتاردىڭ بۇل زىريان اۋدانىندا ويناق سالۋىنىڭ ءبىرىنشى وقيعاسى ەمەس ەكەن. بيىلعى كوكتەمدە عانا ايۋلار فەكليستوۆكاعا لاپ ەتىپ كەلىپ, ەكى قوي مەن بۇقانى تارتىپ كەتىپتى. سول جولى ماماندار جۇرتتىڭ قاۋىپسىزدىگى ءۇشىن جابايى جانۋارلاردى اتۋ جونىندە قاۋلى قابىلداپتى. ءدال سونداي شەشىمنىڭ شىعارىلۋىن قازىر دورودنيتسا تۇرعىندارى دا كۇتىپ وتىر. سەبەبى, ايۋلار شابۋىل جاساعان جايىلىمدىق القاپ سەلودان بار-جوعى 18 شاقىرىم جەردە تۇر.
سۇلتان بوزايعىر.