باكۋدە باتۋتتاعى گيمناستيكادان الەم كۋبوگىنىڭ كەزەڭى وتەدى. اتالعان جارىسقا قازاقستان ساپىنان قاتىساتىن پيرمامماد اليەۆ جارىسقا دايىندىعى تۋرالى بايانداپ بەردى. بۇل جايىندا ۇلتتىق وليمپيادالىق كوميتەتتىڭ ءباسپاسوز قىزمەتى حابارلادى.
«جارىس باستالۋىنا دا ساناۋلى كۇندەر قالدى. ءبىز باكۋگە سايىس باستالاردان ەكى اپتا بۇرىن كەلدىك. بۇل ءبىزدىڭ اۋا-رايىنا بەيىمدەلىپ, الەم كۋبوگىنە تىڭعىلىقتى دايىندالۋىمىزعا پايداسىن تيگىزەدى. سەبەبى, بۇل جارىس ءبىز ءۇشىن وتە ماڭىزدى. جىلدىڭ باستى باسەكەلەرىنىڭ ءبىرى دەسەك تە بولادى. وليمپيادا الدىندا ەكى الەم كۋبوىگىنىڭ كەزەڭى بار ەدى. سونىڭ ءبىرى وسى باكۋدە بولسا, ەكىنشىسى ءساۋىر ايىنىڭ سوڭىندا يتاليادا وتەدى. وسى جارىس ناتيجەسى بويىنشا ۇپاي جيناپ, وليمپيادا جولماسىنا يە بولعىمىز كەلەدى. قازىرگى تاڭدا جوسپار بويىنشا جاتتىعۋدى جالعاستىرىپ, جارىسقا ساقاداي ساي تۇرمىز», - دەيدى باتۋتتا سەكىرۋشى پيرمامماد اليەۆ.