2013 جىلعى 5 ناۋرىز, استانا, ۇكىمەت ءۇيى
«مادەنيەت سالاسىنداعى مەملەكەتتىك ستيپەنديالاردى بەرۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2007 جىلعى 4 ساۋىردەگى № 266 قاۋلىسىنا وزگەرىس ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:1. «مادەنيەت سالاسىنداعى مەملەكەتتىك ستيپەنديالاردى بەرۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2007 جىلعى 4 ساۋىردەگى № 266 قاۋلىسىنا (قازاقستان رەسپۋبليكاسىنىڭ ءپۇاج-ى, 2007 ج., №11, 122-قۇجات) مىناداي وزگەرىس ەنگىزىلسىن:كورسەتىلگەن قاۋلىمەن بەكىتىلگەن مادەنيەت سالاسىنداعى مەملەكەتتىك ستيپەنديالاردى بەرۋ ەرەجەسى وسى قاۋلىعا قوسىمشاعا سايكەس جاڭا رەداكتسيادا جازىلسىن.2. وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
قازاقستان رەسپۋبليكاسى ۇكىمەتىنىڭ 2013 جىلعى 5 ناۋرىزداعى № 212 قاۋلىسىنا قوسىمشاقازاقستان رەسپۋبليكاسى ۇكىمەتىنىڭ 2007 جىلعى 4 ساۋىردەگى №266 قاۋلىسىمەن بەكىتىلگەن
مادەنيەت سالاسىنداعى مەملەكەتتىك ستيپەنديالاردى بەرۋ ەرەجەسى1. وسى مادەنيەت سالاسىنداعى مەملەكەتتىك ستيپەنديالاردى بەرۋ ەرەجەسى «مادەنيەت تۋرالى» 2006 جىلعى 15 جەلتوقسانداعى قازاقستان رەسپۋبليكاسىنىڭ زاڭىنا, «مادەنيەت سالاسىندا مەملەكەتتىك ستيپەنديالار تاعايىنداۋ تۋرالى» قازاقستان رەسپۋبليكاسى پرەزيدەنتىنىڭ 2000 جىلعى 3 ساۋىردەگى № 369 جارلىعىنا سايكەس ازىرلەندى جانە مادەنيەت سالاسىنداعى مەملەكەتتىك ستيپەنديالاردى بەرۋ ءتارتىبىن ايقىندايدى.2. مادەنيەت سالاسىنداعى مەملەكەتتىك ستيپەنديالار (بۇدان ءارى - مەملەكەتتىك ستيپەنديالار) قازاقستان رەسپۋبليكاسىنىڭ قۇرمەتتى اتاقتارى مەن مەملەكەتتىك ناگرادالارىنا يە بولعان شىعارماشىل قىزمەتكەرلەردى جانە مادەنيەت قىزمەتكەرلەرىن, سونداي-اق اسا دارىندى جاس شىعارماشىل قىزمەتكەرلەردى مەملەكەتتىك قولداۋ ماقساتىندا جىل سايىن بەرىلەدى.3. مەملەكەتتىك ستيپەنديالار الۋعا مىنالار:1) قازاقستان رەسپۋبليكاسىنىڭ مەملەكەتتىك ناگرادالارى, حالىق جازۋشىسى, حالىق ءارتىسى, حالىق سۋرەتشىسى, قازاقستاننىڭ ەڭبەك سىڭىرگەن قايراتكەرى قۇرمەتتى اتاقتارى بار نەمەسە ادەبيەت جانە ونەر سالاسىنداعى مەملەكەتتىك سىيلىقتىڭ, حالىقارالىق جانە رەسپۋبليكالىق كونكۋرستاردىڭ, فەستيۆالدەر مەن كورمەلەردىڭ لاۋرەاتتارى بولىپ تابىلاتىن;2) قازاقستاندىق مادەنيەتتىڭ دامۋى ءۇشىن شىعارماشىلىق الەۋەتى بار قازاقستان رەسپۋبليكاسىنىڭ ازاماتتارى ۇمىتكەر بولادى.4. مەملەكەتتىك ستيپەنديانى مادەنيەت سالاسىنداعى ۋاكىلەتتى ورگان (بۇدان ءارى – ۋاكىلەتتى ورگان) جانىنان ارنايى قۇرىلعان مەملەكەتتىك ستيپەنديالاردى بەرۋ جونىندەگى كوميسسيا (بۇدان ءارى - كوميسسيا) شەشىمىنىڭ نەگىزىندە قازاقستان رەسپۋبليكاسى ۇكىمەتىنىڭ ۇسىنۋى بويىنشا قازاقستان رەسپۋبليكاسىنىڭ پرەزيدەنتى بەرەدى.كوميسسيا ءوز مىندەتتەرىن قوعامدىق باستاما نەگىزىندە ورىندايتىن ۋاكىلەتتى ورگان مەن شىعارماشىلىق وداقتاردىڭ وكىلدەرى قاتارىنان قالىپتاستىرىلادى.كوميسسيانىڭ قۇرامى ۋاكىلەتتى ورگاننىڭ بۇيرىعىمەن بەكىتىلەدى.كوميسسيا مۇشەلەرىنىڭ جالپى سانى تاق ساندى قۇراۋعا جانە جەتى ادامنان كەم بولماۋعا ءتيىس.كوميسسيانى توراعا, ال ول بولماعان جاعدايدا توراعانىڭ ورىنباسارى باسقارادى.5. مادەنيەت سالاسىنداعى مەملەكەتتىك ستيپەنديالاردى الۋعا ۇسىنىلاتىن قۇجاتتاردى قابىلداۋ تۋرالى حابارلاندىرۋ قۇجاتتاردى قابىلداۋ مەرزىمى باستالعانعا دەيىن ەكى ايدان كەشىكتىرمەي ۋاكىلەتتى ورگاننىڭ ينتەرنەت-رەسۋرسىندا ورنالاستىرىلادى.6. قىزمەتى قازاقستان رەسپۋبليكاسىنىڭ زاڭناماسىنا قايشى كەلمەيتىن شىعارماشىلىق وداقتار مەن مادەنيەت ۇيىمدارى ۋاكىلەتتى ورگانعا اعىمداعى جىلعى ءبىرىنشى تامىزعا دەيىن مىناداي قۇجاتتاردى: مەملەكەتتىك ستيپەنديا الۋشىعا بەرىلگەن قولداۋحات پەن شىعارماشىلىق مىنەزدەمەنى قاعاز نەمەسە ەلەكتروندى تۇردە جىبەرەدى.مەملەكەتتىك ستيپەنديا الۋشىعا كەلىپ تۇسكەن قۇجاتتاردى ۋاكىلەتتى ورگان قابىلدايدى جانە ءبىر كۇن مەرزىمدە تىركەپ, كوميسسيانىڭ قاراۋىنا ۇسىنادى. كوميسسيا وتىرىسى اعىمداعى جىلعى بەسىنشى قىركۇيەكتەن كەشىكتىرىلمەي وتكىزىلەدى.7. كوميسسيانىڭ مەملەكەتتىك ستيپەنديالار بەرۋگە كانديداتۋرالاردى بەكىتۋ تۋرالى شەشىمى كوميسسيا وتىرىسىندا قاراپايىم كوپشىلىك داۋىسپەن اشىق داۋىس بەرۋمەن قابىلدانادى. داۋىستار تەڭ بولعان جاعدايدا توراعا داۋىس بەرگەن شەشىم قابىلداندى دەپ ەسەپتەلەدى. ەگەر كوميسسيا مۇشەلەرىنىڭ ۇشتەن ەكىسىنەن استامى قاتىسسا, وتىرىس زاڭدى دەپ ەسەپتەلەدى.كوميسسيا شەشىمى حاتتامامەن (بۇدان ءارى - حاتتاما) رەسىمدەلەدى جانە وعان قاتىسىپ وتىرعان كوميسسيا مۇشەلەرى قول قويادى.ۋاكىلەتتى ورگان ءتيىستى جىلعا مادەنيەت سالاسىنداعى مەملەكەتتىك ستيپەنديالار بەرۋ تۋرالى قازاقستان رەسپۋبليكاسىنىڭ پرەزيدەنتى اكتىسىنىڭ جوباسىن حاتتاما كوشىرمەسىمەن قوسا, قازاقستان رەس