مەملەكەت باسشىسىنىڭ كەلىسىمىمەن قازاقستان رەسپۋبليكاسى باس پروكۋرورىنىڭ 12 اقپانداعى بۇيرىعىمەن جامبىل وبلىسىنىڭ پروكۋرورى بولىپ 3-سىنىپتى مەملەكەتتىك ادىلەت كەڭەسشىسى ءابدىروۆ نۇرعالىم ءماجيت ۇلى تاعايىندالدى. بۇل تۋرالى باس پروكۋراتۋرانىڭ ءباسپاسوز قىزمەتى حابارلادى.
نۇرعالىم ءابدىروۆ 1967 جىلى تۋعان. قاراعاندى مەملەكەتتىك ۋنيۆەرسيتەتىن «قۇقىقتانۋ» ماماندىعى بويىنشا بىتىرگەن.
پروكۋراتۋرا ورگاندارىندا قىزمەتىن 1991 جىلى باستاعان. باسشىلىق قىزمەتتەردە تاجىريبەسى مول. باس پروكۋراتۋرانىڭ ءۇش دەپارتامەنتىن باسقارعان. ارنايى پروكۋرورلار, تەرگەۋ مەن انىقتاۋدىڭ زاڭدىلىعىن قاداعالاۋ, ۇستالعان, قاماۋعا الىنعان جانە قىلمىستىق جازانى وتەۋشى ادامداردىڭ قۇقىقتارىنىڭ ساقتالۋىن قاداعالاۋ دەپارتامەنتتەرى.
سونىمەن قاتار استانا, الماتى, وڭتۇستىك-شىعىس وڭىرلىك كولىك پروكۋرورلارىنىڭ ءبىرىنشى ورىنباسارى قىزمەت اتقارعان, اقتوبە, وڭتۇستىك قازاقستان جانە تۇركىستان وبلىسى پروكۋراتۋرالارىن باسقارعان. پروكۋراتۋرا ورگاندارىنداعى ەڭبەك ءوتىلى 28 جىلدان استام.