قازگيدرومەت 13-15 اقپانعا ارنالعان اۋا-رايى بولجامىن ۇسىنادى.
ازداعان ۇزىلىستەن كەيىن قازاقستاننىڭ باسىم بولىگىندە اۋا رايىنىڭ وزگەرۋى كۇتىلەدى. رەسەيدىڭ ەۋروپالىق بولىگىنەن اتموسفەرالىق فرونتتار ىعىسىپ, رەسپۋبليكانىڭ سولتۇستىك جارتىسىندا قاردىڭ جاۋى, كۇشتى باتىس جەلى جانە جولدا كورىنۋ قاشىقتىعىن ناشارلاتىپ, كۇرتىك قار تۋدىراتىن بۇرقاسىن الىپ كەلەدى.
وڭتۇستىك جانە شىعىس وبلىستارىنا ورتالىق ازيا ايماعىنان وڭتۇستىك تسيكلون شىعىپ, ونىمەن جاۋىن-شاشىن, تۇمان, كوكتايعاق, رەسپۋبليكانىڭ شىعىسىندا قاردىڭ جاۋى مەن بۇرقاسىن كۇتىلەدى.
اۋا تەمپەراتۋراسى كوپجىلدىق ماننەن 2…5°س-قا جوعارى, ال باتىستا وعان جۋىق كۇتىلەدى.