ءسوز تۇزەلدى, جاس بۋىن, سەن دە تۇزەل

بۇۇ-نىڭ جوعارىدا اتالعان رەسمي قۇجاتى دۇنيە ءجۇزى جاستارىنىڭ كو­كەيكەستى پروبلەمالارىمەن قاتار, ولار­دىڭ شەشىلۋ جولدارى مەن تاسىل­دە­رىن دە نازاردان تىس قالدىرماعان. ەندەشە, قازاقستاننىڭ دا بۇكىلالەمدىك قوعام­داستىقتىڭ بەلسەندى مۇشەسى ەكە­نىن ەس­كەر­سەك, بەدەلدى حالىقارالىق ۇيىم­نىڭ اتالعان قۇجاتىنا ارقاۋ بول­عان جاس­تار ماسەلەلەرىنىڭ ءبىزدىڭ ەلگە قا­تى­سى بار.

ەلىمىزدە تاۋەلسىزدىكتىڭ العاشقى جىلدارىنان بەرى جاستاردىڭ تاعدىرى مەن بولاشاعىنا جەتكىلىكتى ءمان بەرىلىپ كەلە جاتىر دەۋگە تولىق نە­گىز بار. سونىڭ ەڭ ءبىر جارقىن كو­رى­نىسى تۇڭعىش پرەزيدەنت – ەلباسى ن.ءا.نازارباەۆتىڭ تىكەلەي باستاماسى­مەن قولعا الىنعان «بولاشاق» باعدار­لا­ما­سى. سول باعدارلاماعا سايكەس, تاۋەل­سىز­دىكتىڭ العاشقى جىلىنان باستاپ, ەلدەگى ەكونوميكالىق قيىنشىلىقتارعا قارا­ماستان, مەملەكەتىمىز ەلىمىزدىڭ ەرتەڭى ءۇشىن تالانتتى جاستارىمىزدى الەمنىڭ وزىق ەلدەرىنىڭ عىلىم-بىلى­مى­نەن سۋسىنداۋعا, تەحنولوگيالارىن يگە­رۋگە تۇراقتى تۇردە جىبەرىپ وتىردى. سوڭعى جىلدارى قازاق ەلى وسى «بولاشاق» باعدارلاماسى بويىنشا ءبىلىم الىپ كەلگەن جاستاردىڭ يگىلىگىن كو­رىپ, جەمىسىن دە جەي باستادى.

پرەزيدەنت قاسىم-جومارت توقاەۆ تا ءوز قىزمەتىنە كىرىسكەلى بەرى ەلدەگى جاس بۋىنعا ەرەكشە كوڭىل بولۋدە. وسى ار­قى­­لى ەلىمىزدە جاستاردى جالپى­قو­عام­­دىق ۇدەرىستەرگە قوسۋ ماقساتىندا ىن­تا­­لاندىرۋ شارالارى ىسكە اسىرىلىپ, ولاردىڭ ءوزىن ءوزى كورسەتۋ مەن ءوز ارماندارىن جۇزەگە اسىرۋى ءۇشىن مەملەكەتتىك دەڭگەيدە كەشەندى ساياساتتار جاسالا باس­تادى.

ق.توقاەۆ پرەزيدەنتتىك قىزمەتكە كىرىسكەننەن كەيىن, ەلىمىزدە قازىرگى تاڭدا ءار ءبىر جاس ازاماتتىڭ تولىققاندى دامۋىنا ارنالعان جان-جاقتى تەتىك­تەر جاساقت­اۋدىڭ جولدارى ناقتى قا­راس­تى­رى­لا باستادى. ماسەلەن, الەۋ­مەت­تىك-ەكونوميكالىق تۇرعىدان, مەملەكەت جاستار مەن جاس وتباسىلاردىڭ ەكونو­مي­كالىق احۋالىن جاقسارتۋ, تابىس دەڭ­گەيىن كوتەرۋ, ۇزاق مەرزىمدى نەسيە بەرۋدىڭ كەزەڭدىك جۇيەسىن ەنگىزۋ, باسقا دا ەكونوميكالىق كومەك تۇرلەرى ارقى­لى ءبىلىم الۋ مۇمكىندىگىن كەڭەيتۋ, ىسكەر­لىك بەلسەندىلىگىن ارتتىرۋ, باسپانا ما­سە­لەسىن تولىققاندى شەشۋ ءۇشىن قۇ­قىق­تىق, ۇيىمداستىرۋشىلىق جاعداي جا­ساۋدىڭ بارلىق شارالارى قولعا الى­نا باستادى. سونداي-اق ق.توقاەۆ پرە­زي­دەنت­تىك قىزمەتكە كىرىسكەن العاشقى كۇن­دەردە-اق ەلىمىزدەگى جاستار ساياساتى جو­نىندە يگى بەتبۇرىستار بولاتىنىن اشىق مالىمدەدى.

مەملەكەت باسشىسى رەتىندە قاسىم-جومارت توقاەۆ جاستاردىڭ تاعدىرى مەن بولاشاعىنا, ەلدەگى بەلگىلى الەۋمەتتىك توپ رەتىندە ەمەس, ولارعا ەلدىڭ بولاشاعى, ۇلتتىڭ تاعدىرى, ەلدىڭ ەرتەڭگى ەگەسى رەتىندە قاراپ, سانالى جانە ستراتەگيالىق تۇرعىدان ەرەكشە ءمان بەرىپ وتىر. وعان كوز جەتكىزۋ ءۇشىن ق.توقاەۆتىڭ 2019 جىلدىڭ 2 ءساۋىرى كۇنى رەسپۋبليكالىق «Egemen Qazaqstan» جانە «Aiqyn» گازەتتەرىنە بەرگەن سۇحباتىنداعى: «جاستار ساياساتىندا, جاستار تاربيەسىندە ناۋقان­شىل­دىققا, تيىمدىلىگى تومەن شارالاردى ۇيىمداستىرۋعا جول بەرمەۋ كەرەك. جۇيەلى ءارى كەشەندى الەۋمەتتىك زەرتتەۋ جۇرگىزۋ ارقىلى جاستاردىڭ مۇڭ-مۇقتاجىن, ماقسات-مۇددەلەرىن انىقتاپ, جاستار ساياساتىن سول قاجەتتىلىكتەرگە جاۋاپ بەرەتىن دەڭگەيدە ۇيىمداستىرۋ ماڭىزدى. ءبىز جاستارعا ءبىلىم بەرۋدى الدىڭعى قاتارعا قويامىز. تەك ءبىلىم عانا ەمەس, وتانسۇيگىشتىك رۋحتا تاربيەلەۋ ءىسىن دە باستى نازاردا ۇستاۋ كەرەك», دەگەن جولداردى وقىساق تا جەتكىلىكتى.

پرەزيدەنت ق.توقاەۆ ءوزىنىڭ جاستار ساياساتى جونىندەگى كەشەندى ويلارىن بىرتىندەپ جۇزەگە اسىرىپ كەلەدى. اتاپ ايتقاندا, 2019 جىلدىڭ 12 ماۋسىمى كۇنى قازاقستاننىڭ جاڭا باسشىسى پرەزيدەنتتىك جاستار كادرلىق رەزەرۆى جاساقتالاتىنى تۋرالى: «جاس ۇرپاققا ارنايى ايتاتىن ءسوزىم بار. سىزدەر قازاق­­س­تاننىڭ دامۋ جولىندا شەشۋشى ءرول اتقارا­سىزدار. پروگرەستىڭ قوزعاۋشى كۇشى بولاسىزدار. سىزدەر ەڭ ۇلكەن ارماندارىڭىزدى ىسكە اسىرۋلارىڭىز قاجەت. وعان قولداۋ كورسەتۋ – مەنىڭ باستى مىندەتىم. جاس ءارى دارىندى باس­شىلاردى مەملەكەتتىك قىزمەتتىڭ بار­لىق دەڭگەيىندە جوعارىلاتۋ ماقسا­تىن­­دا پرەزيدەنتتىك كادرلىق رەزەرۆ جا­ساق­تا­لا­دى», دەپ ەل حالقىنا مالىم­دە­گەن بولسا, اتالعان وي-جوسپارىن جىل وتپەستەن جۇزەگە اسىرعان مەملەكەت باسشىسى 2020 جىلدىڭ 15 قاڭتارى كۇنى اقوردادا پرەزيدەنتتىك كادر رەزەرۆىنە ەنگەن 300 جاسپەن كەزدەسۋ وتكىزدى.

وسىلايشا سوزدەن ناقتى ىسكە كوشكەن مەملەكەت باسشىسى جاستارعا ارنا­عان سوزىندە ولاردىڭ الدىندا تۇرعان ناقتى مىندەتتەرگە توقتالدى. ياعني, پرە­زي­دە­نتتىك كادر رەزەرۆىنە كىرگەن جاس­تار­مەن «كادرلىق رەزەرۆكە ءوتۋ دەگەنىمىز جوعارى لاۋازىمدى قىزمەتكە ورنالاسۋ عانا ەمەس. بۇل – ۇلت ءۇشىن, ەل ءۇشىن, حالىق ءۇشىن ايانباي تەر توگۋ دەگەن ءسوز. ءار زاماندا كەز كەلگەن حالىقتىڭ ءبىلىمدى جانە بىلىكتى ازاماتتارىنىڭ ورتاق مۇد­دە­گە توپتاساتىن كەزەڭى بولادى. وسى­­لايشا ۇلتتى بيىككە جەتەلەيتىن, جاڭا­شا دامۋعا باستايتىن شوعىر قا­لىپ­­تا­سا­دى» دەگەن سەكىلدى وزەكتى دە سوق­تالى وي­لارىمەن ءبولىستى.

ءيا, قاسىم-جومارت كەمەل ۇلى دۇرىس ايتادى: ء«ار زاماندا كەز كەلگەن حالىقتىڭ ءبىلىمدى جانە بىلىكتى ازا­مات­تارىنىڭ ورتاق مۇددەگە توپتاسا­تىن كەزەڭى بولادى». اسىرەسە ەلدەگى جاس بۋىن وزدەرىنىڭ وتكىر يدەيالارىمەن, تىڭ ويلارىمەن, جىگەرلى جانە شاپشاڭ قيمىل-ارەكەتىمەن, كرەاتيۆتى رۋحىمەن ىلعي دا ءوز داۋىرىندەگى «ورتاق مۇددە» جولىندا تەز توپتاسا الادى. ءسويتىپ ءوز زامانىنىڭ كوشباسشىلارى ءارى مۇزجارعىشتارى بولادى. ارعى داۋىرلەرگە بارماي-اق, حح عاسىردىڭ باسىنداعى قازاق جاستارىن ايتايىقشى. ولاردىڭ بەلگىلى ءبىر بولىگىنىڭ ءىرى سايا­سي ورتالىقتاردا وقۋى, سول تاريحي كە­زەڭ­دە­گى ساياسي وقيعالاردى تىكەلەي كو­زى­مەن كورىپ كۋا بولۋى, قوعامدىق جاڭ­عى­رۋ جولىنا قادام باسقان ورىس قوعا­مىن­داعى دەموكراتيالىق كۇشتەر مەن اعىم­دار­دىڭ ىقپالىن باسىنان كەشىرۋى – ولاردىڭ قوعامدىق كوزقاراستارىنىڭ كەمەلدەنۋىنە, ساياسي بەلسەندىلىگىنىڭ ارتۋىنا اسەر ەتپەي قويمادى. ولار وسى تاريحي كەزەڭدەگى ءارتۇرلى ساياسي وقيعالارعا قاتىناسىپ, قازاق حالقىنىڭ اراسىندا ۇگىت-ناسيحات جۇمىستارىن جۇرگىزدى جانە العاش رەت قوعامدىق ۇيىمدارعا توپتاسا باستادى. ءسويتىپ XX عاسىردىڭ باسىندا قازاق حالقىن ورگە سۇيرەر, ۇلت قامى ءۇشىن ومىرلەرىن سارپ ەتەر زيالى قاۋىمنىڭ شوعىرى قالىپتاستى. ولار وزدەرى قۇرعان «الاش» پارتياسى جانە قوزعالىسى ارقىلى ۇلتتى وياتۋ مەن وركە­نيەتكە جەتكىزۋدەگى جاستاردىڭ شەشۋ­شى ءرولىن تولىق كورسەتىپ بەردى. سول الاششىل جاستاردىڭ ساياسي جانە ازا­ماتتىق بەلسەندىلىگىنىڭ ارقاسىندا كسرو قۇرىلعاننان كەيىن بولسا دا, قازاق ەلىنىڭ شەكاراسى ايقىندالىپ, قازاق اۆتونومياسى قۇرىلدى. بۇگىنگى قازاق مەملەكەتتىلىگىنىڭ ءتۇپ تامىرى, نەگىزى سوندا جاتىر. مىنە, جاس بۋىننىڭ قۇدىرەتى!

ال 1986 جىلعى جەلتوقسان كوتەرىلىسى قازاق جاستارىنىڭ توتاليتارلىق جۇيە مەن وتارشىلدىق ەزگىگە توزبەيتىن, بوس­تان رۋحتىڭ ەگەسى ەكەندىگىن جالپاق جا­ھان­عا كورسەتتى.

جاستاردىڭ بويىنداعى اسىل قاسيەت پەن ولارعا دەگەن سەنىمنىڭ وتە-موتە ماڭىزدى ەكەندىگىن ەسكەرگەن ق.توقاەۆ پرە­زيدەنتتىك كادرلىق رەزەرۆىنە ەنگەن جاستارمەن كەزدەسۋدە سويلەگەن سوزىن­دە: «سوڭعى جىلدارى بۇكىل الەمدە بولىپ جاتقان نارازىلىق تولقىنى – وزگەرۋگە دەگەن جاھاندىق سۇرانىستى ايقىن كورسەتىپ بەردى. ادامزات ءتورتىن­شى ونەركاسىپتىك رەۆوليۋتسيانى باس­تان كەشىرۋدە. الايدا مەملەكەتتىك باس­قا­رۋ­دىڭ قاعيداتتارى نەشە ونداعان جىلدار بويى وزگەرگەن جوق. قازاقستانعا قو­عامنىڭ قاجەتتىلىكتەرىنە ساي كەلەتىن, مەم­لەكەتتى ءتيىمدى, ادىلەتتى باسقارۋدىڭ جاڭا ۇلگىسى قاجەت. سونىمەن قاتار ول ەڭ زاماناۋي تەحنولوگيالاردى قولدانۋعا نەگىزدەلۋى كەرەك», دەپ اتاپ كورسەتتى.

دەمەك, «وزگەرۋگە دەگەن قوعامدىق سۇرانىستى» كىم قاناعاتتاندىرا الادى؟ ارينە, جاستار! «مەملەكەتتىك باسقارۋدىڭ قاعيداتتارىن» جاڭارتۋعا قابىلەتتى الەۋمەتتىك توپ كىمدەر؟ ارينە, جاستار! «قوعامنىڭ قاجەتتىلىكتەرىنە ساي كەلەتىن, مەملەكەتتى ءتيىمدى, ادىلەتتى باسقارۋدىڭ جاڭا ۇلگىسىن» تاباتىن, قالىپتاستىراتىن كىمدەر؟ ارينە, جاس­تار! مەملەكەت باسقارۋدا «ەڭ زاماناۋي تەحنولوگيالاردى قولدانۋعا» قابىلەتتى ادامدار كىمدەر؟ ارينە, جاستار!

حح عاسىر باسىنداعى الاش قوز­عا­لىسىنا ۇيىتقى بولعان جاستار قازاق ۇلتىنىڭ پاتريوتتىق رۋحىن ەڭ بيىك شىڭعا شىعارىپ كەتتى. حالىق ولاردى سول ءۇشىن قادىرلەيدى. سول ءۇشىن ۇمىتپايدى.

مەملەكەتتىڭ گۇلدەنۋى مەن ۇلتتىڭ دامۋى ءۇشىن ءار ءداۋىردىڭ ءوز ازاماتتارىنا جۇكتەيتىن تاريحي مىندەتتەرى بولادى. سول تاريحي مىندەتتەردى دەر كەزىندە ورىنداعان ۇلت قانا ۋاقىتتى بوسقا وتكىزبەگەن, زاماننان ارتتا قالماعان, ورايدى قولدان بەرمەگەن, ءتىپتى ۋاقىتتان وزىپ جۇمىس ىستەگەن حالىق بولىپ ەسەپتەلەدى.

بۇل رەتتە, مىنا ماسەلەنىڭ باسىن اشىپ ايتۋعا ءتيىسپىز. ياعني, بەلگىلى ءبىر ءداۋىر تۇرعىندارىنىڭ ىشىندەگى جاس بۋىن, بۇل – سول قوعامداعى ەڭ بەلسەندى جانە ەڭ قۋاتتى كۇش. سوندىقتان قاي كەزدە دە, قاي ەلدە دە مەملەكەتتىڭ ءۇمىتى دە, ۇلتتىڭ بولاشاعى دا سول ەلدەگى جاستاردىڭ رۋحاني بەت-بەينەسىمەن تىكەلەي بايلانىستى. ول ءۇشىن ەڭ اۋەلى مەملەكەت جاستاردى بەلسەندى تۇردە قولداۋى, ولاردىڭ اياعىنان تىك تۇرىپ, ارماندارىن جۇزەگە اسىرۋىنا, ەل ىسىنە ارالاسۋىنا تولىقتاي جاعداي جاساۋى كەرەك. «نە ەكسەڭ, سونى وراسىڭ» دەيدى دانا حالقىمىز. دەمەك, ءبىز بۇگىن جاستارىمىزدى قالاي, قاي باعىتتا باۋلىساق, ەرتەڭگى بولاشاعىمىز سولاي بولماق. سوندىقتان دا قاسىم-جومارت كەمەل ۇلى ىلعي دا: «قازاقستان – جاس ءارى جاستاردىڭ مەملەكەتى! جاستارىمىز – دامۋدىڭ قوزعاۋشى كۇشى. بارلىق مەملەكەتتىك ورگانداردىڭ مىندەتى – جاستاردىڭ ءوزىن ءوزى جاقسى تانىتۋىنا جاعداي جاساۋ جانە ولاردىڭ وڭ باستامالارىنا قولداۋ كورسەتۋ» ەكەنىن باسا دارىپتەپ كەلەدى. دەمەك, «العا قوي­عان ماقساتتارىنا قول جەتكىزىپ, ءوزىن-ءوزى دامىتۋعا تالپىنعان جاستارعا» مەم­لەكەتتىڭ شىنايى قولداۋى قاجەت. ەلى­مىزدەگى جاس بۋىن ءوز ەلىندە ءوز بو­لا­شاق­­تارىنا قاشان دا سەنىممەن قا­راي­تىن بولۋى ءتيىس. مەملەكەت باسشى­سى­نىڭ پرەزيدەنتتىك قىزمەتكە كىرىسكەن ءبىر جىلعا تاياۋ ۋاقىتتا وسى باعىتتا اتقارعان يگى قادامدارى كوڭىلگە زور قۋانىش پەن ۇلكەن سەنىم ۇيالاتادى. دەمەك, ءدال قازىرگى كەزدەگى قازاق جاس­تا­رى ءوز ارمان-مۇراتىن جۇزەگە اسىرۋ مەن ەل ىسىنە تولىق ارالاسا الاتىن جاڭا داۋىردە, ورايلى كەزەڭدە تۇر دەۋگە بولا­دى.

قىسقاسى, پرەزيدەنت ق.توقاەۆتىڭ تىكەلەي باستاماسىمەن قولعا الىنىپ, جۇزەگە اسا باستاعان مەملەكەتتىك جاستار ساياساتىنداعى وڭ وزگەرىستى تۇتاس قازاق قوعامى قۋانىشپەن جانە زور ۇمىتپەن قابىلداپ وتىر.

دەگەنمەن, ءسوزىمىزدىڭ وسى تۇسىندا, جاستارىمىزدىڭ رۋحاني بەت-بەينەسى قانداي دەگەن ماسەلەگە دە سوعا كەتۋ كەرەك سەكىلدى. قۇدايعا شۇكىر قازاق جەرى, الاش جۇرتى ەجەلدەن-اق تالانت پەن دارىنعا كەندە بولعان ەمەس. ءتىپتى ءتىل-كوزىمىز تاسقا, بۇگىنگى كۇنى دە دارىندى, تالانتتى جاستارىمىز از ەمەس. ماسەلە, سول تالانتتى دا دارىندى جاستارىمىزدىڭ وتانشىلدىق رۋحى, ۇلتجاندىلىق سەزىمى قاي دەڭگەيدە؟! ەگەر بۇل قاسيەتتەر الدەكىمنىڭ بويىندا كەم سوعىپ جاتسا, ونداي جاستىڭ تالانتى مەن دارىنىنان ۇلتقا كەلەر پايدا شامالى. بۇل تۋرالى سوناۋ حح عاسىردىڭ باسىندا الاش كوسەمى ءاليحان بوكەيحان: «ۇلتقا قىزمەت ەتۋ بىلىمنەن ەمەس, مىنەزدەن» دەگەن بولاتىن. «مىنەزدىڭ» تۇعىرى «احلاق» (مورال) بولاتىن بولسا, ادامگەرشىلىك, وتانشىلدىق پەن ۇلتجاندىلىق دەگەن قاسيەتتەر سول «احلاقتىڭ» كۇرەتامىرى ەكەنىن ۇمىتپاۋىمىز كەرەك. بۇل ماسەلەنى ايقىن سەزىنگەن مەملەكەت باسشىسى ءوزىنىڭ جاستار ساياساتىنا قاتىستى پايىمداۋلارىندا دارىندى, تالاپتى جاستارعا جاعداي جاساپ, ولارعا قولداۋ كورسەتۋدى دارىپتەۋمەن ءبىر ۋاقىتتا, جاستارىمىزدان وتانسۇيگىشتىك پەن ۇلتجاندىلىقتى, ەڭبەكسۇيگىشتىكتى بارىنشا تالاپ ەتىپ كەلەدى.

اتاپ ايتقاندا, مەملەكەت باسشىسى جينالىسقا قاتىسىپ وتىرعان جاس بۋىن وكىلدەرىنە: «بۇل (پرەزيدەنتتىك كادرلىق رەزەرۆ) – ەلدى وركەندەتۋگە بەل بۋعان, سول ءۇشىن بار كۇش-جىگەرىن جۇمسايتىن ازاماتتارعا ارنالعان جوبا. باستى مىندەت – تالانتتى جاس­تار­دىڭ قازاقستاندى جاڭا بەلەستەرگە كوتەرۋىنە مۇمكىندىك بەرۋ. ەڭ باس­تىسى – تۋعان ەلىڭدى شەكسىز قادىرلەۋ جانە وعان ادال قىزمەت ەتۋ. تاباندى ەڭبەك ەتىپ, ناقتى ناتيجەگە قول جەت­كى­زۋ كەرەك. بۇل ۇلتتى جاڭعىرتۋ ءۇشىن وتە ماڭىزدى. مەن وزدەرىڭىز ار­قى­لى ەلىمىزدە پاتريوتتاردىڭ جاڭا بۋى­نى قالىپتاسادى دەپ سەنەمىن. سىز­دەر ەگەمەن ەلىمىزدىڭ جاستارىنا ۇلت­جان­دى­لىق­تىڭ, وتانشىلدىقتىڭ وزىق ۇلگىسىن كورسەتۋلەرىڭىز كەرەك», دەپ ناقتى تالاپتارىن ايتسا, تاعى ءبىر سوزىندە مەملەكەت باسشىسى جاستارعا ۇلتتى, تۋعان حال­قىن قالاي ءسۇيۋدىڭ جولىن, ونەگەسىن نۇسقايدى, سونداي-اق جاستاردىڭ موينىنا ۋاقىت جۇكتەپ وتىرعان ميسسيانى اتاپ كورسەتەدى: «ابايدىڭ وسيەتى – وسكەلەڭ ۇرپاقتىڭ اينىماس تەمىرقازىعى. ءبىز ەلدى, ۇلتتى ابايشا ءسۇيۋدى ۇيرەنۋىمىز كەرەك. ابايدىڭ «تولىق ادام» تۇجى­رى­مى ءومىرىمىزدىڭ كەز كەلگەن سالاسىن­دا, مەملەكەتتى باسقارۋ مەن ءبىلىم جۇيە­سىن­دە, بيزنەس پەن وتباسى ينستيتۋتتارىندا نەگىزگى تۇعىرعا اينالۋى كەرەك. حالقىمىز, اسىرەسە جاس بۋىن ابايدىڭ سارا جولىن جالعاۋعا باسا ءمان بەرۋى ءتيىس. ءبىز ەلدىك پەن ەگەمەندىكتىڭ قادىرىن باعالاي ءبىلۋىمىز كەرەك. جاستارىمىز ءاردايىم ۇلتتىق قۇندىلىقتاردى كوزدىڭ قاراشىعىنداي ساقتاپ, دارىپتەي ءبىلۋى قاجەت. بۇل وزدەرىڭىزگە جۇكتەلگەن مارتەبەلى ميسسيا دەپ بىلىڭىزدەر».

دەمەك, ەندىگى اڭگىمە جاس­تا­رى­مىز­دىڭ بەلسەندىلىگى مەن قۇل­شى­نى­سىنا, قارە­كە­تىنە تىكەلەي قاتىستى بولماق. ياعني, ەلىمىزدە ءدال قازىر پرە­زيدەنت قاسىم-جومارت توقاەۆتىڭ باس­تا­ما­سى­مەن جۇزەگە اسىپ جاتقان جاستار سايا­سا­تىن­داعى وسىناۋ بەتبۇرىستى ءدال بەينەلەۋ ءۇشىن ء«سوز تۇزەلدى, وقۋشى سەن دە تۇزەل» دەگەن ۇلى ابايدىڭ ايگىلى ءسوزىن ء«سوز تۇزەلدى, جاس بۋىن سەن دە تۇزەل» دەپ وزگەرتىپ قولدانۋ قاجەت سەكىلدى.

مەملەكەت باسشىسى پرەزيدەنتتىك كادرلىق رەزەرۆىنە ەنگەن جاستارمەن كەزدەسۋدە ءوز ءسوزىن ء«ححى عاسىرداعى قازاقستاندى بيىك بەلەستەرگە سىزدەر سياقتى ءبىلىمى وزىق, ويى ۇشقىر جاس­تار باستاۋى كەرەك» دەگەن ۇلكەن ۇمىتپەن جانە العاۋسىز سەنىممەن اياقتا­عان ەكەن, ءبىز دە بۇگىنگى ءسوزىمىزدى «ارىس­تانداي ايباتتى, جولبارىستاي قاي­راتتى, قىرانداي كۇشتi قاناتتى, مەن جاستارعا سەنەمiن!» دەگەن ۇلى ماعجاننىڭ ماقامىمەن اياقتاعىمىز كەلىپ تۇر.

دۇكەن ماسىمحان ۇلى,

ل.ن.گۋميلەۆ اتىنداعى ەۇۋ قىتايتانۋ ينستيتۋتىنىڭ ديرەكتورى, پروفەسسور