مەملەكەت باسشىسىنىڭ تاپسىرماسىنا سايكەس ەلوردادا قولدانىستاعى يپپودروم بازاسىندا ەرەكشە قاجەتتىلىگى بار بالالاردى وڭالتۋعا ارنالعان ات سپورتى كەشەنىنىڭ قۇرىلىسى باستالدى. بۇل تۋرالى ەلوردا اكىمدىگىنىڭ ءباسپاسوز قىزمەتى حابارلادى.
كەشەن جابىق مانەجدەن, مىنبە مەن جاتتىعۋ الاڭدارىنان تۇرادى. جوبا مەملەكەتتىك-جەكە مەنشىك سەرىكتەستىك اياسىندا جۇزەگە اسىرىلادى. بالالارمەن ارنايى وقىتىلعان نۇسقاۋشىلار شۇعىلدانادى.
ەلوردا اكىمى التاي كولگىنوۆ يپپودروم بازاسىن ءۇش باعىت بويىنشا دامىتاتىنىن اتاپ ءوتتى. ولار يپپوتەراپيا, ۇلتتىق جانە كلاسسيكالىق سپورت تۇرلەرىن وتكىزۋ جانە ولارعا دايىنداۋ, سونداي-اق تۋريستىك باعىت.
ايتا كەتەيىك, ەلوردادا ەرەكشە كۇتىمدى قاجەت ەتەتىن 5,5 مىڭ بالا بار. نۇر-سۇلتاندا مۇمكىندىگى شەكتەۋلى ادامداردى وڭالتۋ ءۇشىن 2 وڭالتۋ ورتالىعى سالىنادى. جاڭا تۇرعىن ءۇي كەشەندەرىنىڭ ءبىرىنشى قاباتتارىندا بالالارعا ارنالعان شاعىن ورتالىقتار, وڭالتۋ ورتالىقتارى, ەمحانا سىندى جانە تاعى باسقا الەۋمەتتىك نىساندار اشىلادى.