شىعىس قازاقستان وبلىسى تارباعاتاي اۋدانىندا وتكەن قىس ايلارىندا بۇرىن-سوڭدى بولىپ كورمەگەن مولشەردە, جىلداعىدان 5-6 ەسە قالىڭ قار جاۋىپ, جايىلىمدىقتار جابىلدى. مالدىڭ جەم-ءشوبى تاۋسىلىپ, مال شىعىنى ورىن الدى. كوكتەم شىعا جاۋعان قاردىڭ سوڭى جاڭبىرعا ۇلاسىپ, مالعا دا, جانعا دا قولايسىز اۋا رايى قالىپتاستى.
قىس بويى قالىڭ جاۋعان قاسات قاردىڭ ناۋرىز ايىنىڭ ورتاسىندا كۇرت ەرۋى توتەنشە جاعداي قالىپتاستىرىپ, اۋداندى مەكەندەگەن حالىقتى كۇيزەلتىپ وتىر. اۋىل-ايماقتى توپان سۋ باستى. بۇگىنگى كۇنى اۋدانداعى بەس ەلدى مەكەندى سۋ تاسقىنى الىپ كەتسە, 650 ءۇي, 748 قورا-جاي, 50 مال قىستاعى سۋ استىندا قالدى. قىزىلكەسىك اۋىلىنداعى اياكوز قالاسىمەن بايلانىستىراتىن كوپىردى تاسقىن سۋ قۇلاتىپ كەتسە, قارعىبا اۋىلىنداعى كوپىر ءب ۇلىندى. 9150 باس ەشكى, 1783 باس ءىرى قارا, 513 باس جىلقى ءولدى. اپاتتى ايماقتاردان 4 مىڭنان استام ادام كوشىرىلدى. ولار سۋ باسقان ۇيلەرىنەن قولدارىنا ىلىككەن تولقۇجاتتارىمەن, ءبىر قابات كيىمدەرىمەن عانا شىققان. ۇيلەرى قۇلادى, ءتورت ت ۇلىك مالى قورالارىندا قاراۋسىز قالدى. اۋدان تۇرعىندارىنا كومەك قولىن سوزامىن دەگەندەر ءۇشىن قايىرىمدىلىق ەسەپ-شوتىنىڭ رەكۆيزيتتەرىن بەرىپ وتىرمىز.
دەمەۋشىلىك قايىرىمدىلىق كومەكتىڭ ەسەپ-شوتى
تارباعاتاي اۋدانى اقسۋات اۋىلى ابىلاي حان كوشەسى, 13-ءۇي تارباعاتاي اۋدانى اكىمىنىڭ اپپاراتى مم
رنن 510300001259
يك 027140933
بيك 195301070 قر قم قك شقو بويىنشا قد
تارباعاتاي اۋداندىق قازىناشىلىق باسقارماسى مم
فاكس 8 (72346) 2-18-47 e-ءmaىl:ءtarb_ray_akىmat@maىl.ru