16 قاڭتاردان 1 قازانعا دەيىن تەمىر جولدارداعى كوپىردىڭ تىرەك بولىگىنىڭ كۇردەلى جوندەلۋىنە بايلانىستى بوگەنباي باتىر داڭعىلىنداعى ءۋاليحانوۆ كوشەسىنەن اقجول كوشەسىنە دەيىنگى ۋچاسكەدە كولىكتىڭ بارلىق تۇرلەرىنە قوزعالىس شەكتەلدى. بۇل تۋرالى اقوردانىڭ ءباسپاسوز قىزمەتى حابارلادى.
قوزعالىس شەكتەۋلەرىنە بايلانىستى جولاقتاردىڭ سانى ءار باعىتتا 4-تەن 2-گە دەيىن ازايادى. اتالعان ۋچاسكەدەگى جۇكتەمەنى ازايتۋ ءۇشىن اۆتوبۋس مارشرۋتتارىن قوسپاعاندا, كوپىردەن سولعا ش.ءۋاليحانوۆ كوشەسىنە بۇرىلۋعا ۋاقىتشا تىيىم سالىنعان.
سونداي-اق شامادان تىس جۇكتەمەنى الدىن الۋ ءۇشىن جاقىن ماڭداعى قيىلىستاردا جاناما شارالار وتكىزىلەدى. ەلوردا تۇرعىندارى مەن قوناقتارىنا قالا جولدارىندا كەپتەلىستەردى بولدىرماس ءۇشىن مارشرۋتتارىن الدىن-الا جوسپارلاۋ قاجەتتىگى ەسكەرتىلەدى.