كەشە پرەمەر-مينيستر كارىم ءماسىموۆ قۇقىق قورعاۋ ورگاندارى مەن سوت جۇيەسىن رەفورمالاۋ, سول سياقتى بالالاردى مەكتەپكە دەيىنگى تاربيەمەن جانە وقىتۋمەن قامتاماسىز ەتۋ ماسەلەلەرى جونىندە كەڭەس وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى.
وندا ءبىلىم جانە عىلىم مينيسترلىگى مۇددەلى قۇرىلىمدارمەن بىرلەسە وتىرىپ ازىرلەگەن “بالاپان” باعدارلاماسىنىڭ جوباسى تالقىلاندى. وسىعان وراي 2015 جىلعا قاراي 650 مىڭنان استام بالا مەكتەپكە دەيىنگى ءبىلىم بەرۋمەن قامتاماسىز ەتىلەدى دەپ كۇتىلۋدە.
وسى كۇنى كارىم ءماسىموۆ رەسپۋبليكالىق بيۋدجەت كوميسسياسىنىڭ 2-ءشى وتىرىسىن وتكىزدى.
وندا پرەزيدەنت ن.نازارباەۆ قول قويعان 2010-2012 جىلدارعا ارنالعان رەسپۋبليكالىق بيۋدجەت تۋرالى ناقتىلانعان زاڭدى جۇزەگە اسىرۋ تۋرالى قاۋلىنىڭ جوباسى قارالدى.