ءماجىلىس توراعاسى نۇرلان نىعماتۋلين قوردايدا ورىن العان جاعدايعا بايلانىستى قازا بولعانداردىڭ وتباسىنا كوڭىل ايتىپ, زارداپ شەككەندەردىڭ تەزىرەك ساۋىعۋىنا تىلەكتەستىك ءبىلدىردى, دەپ حابارلادى وسى پالاتانىڭ ءباسپاسوز قىزمەتى.
بۇل تۋرالى ول ءوزىنىڭ تۆيتتەر پاراقشاسىنا: «قوردايدا قازا بولعانداردىڭ وتباسىنا كوڭىل ايتامىن جانە زارداپ شەككەندەردىڭ ساۋىعۋىن تىلەيمىن. جاعداي ەل باسشىلىعىنىڭ باقىلاۋىندا. ءبىر توپ ماجىلىسمەن ۇكىمەتتىك كوميسسيامەن بىرگە وقيعا ورنىندا جۇمىس ىستەۋدە. ءبىزدىڭ ماقساتىمىز – ارانداتۋعا جول بەرمەي, تۇراقتىلىقتى ساقتاۋ», دەپ جازدى.
نۇرلان نىعماتۋلين ءوز پىكىرىندە ءبىزدىڭ حالقىمىز ەجەلدەن تاتۋلىق پەن تۇراقتىلىقتى, بەرەكە مەن بىرلىكتى ماقسات ەتكەن ەل ەكەنىن, ءبىزدىڭ ەگەمەن ەلىمىز دە تاۋەلسىزدىك العان كۇننەن باستاپ ىنتىماعى جاراسقان, قازاقستاندىق دامۋ جولىن قالىپتاستىرعان ابىرويلى مەملەكەتكە اينالعانىن اتاپ ءوتتى.
سونىمەن بىرگە, ءماجىلىس توراعاسى بۇگىندە قازاقستاننىڭ بەيبىتشىلىك پەن تاتۋلىق ساياساتى الەمنىڭ كوپتەگەن ەلى ءۇشىن ۇلگى سانالاتىنىن العا تارتا كەلىپ, قازاقستاندىقتاردى ەلدىڭ تۇتاستىعىنا نۇقسان كەلتىرەتىن كەز كەلگەن بەرەكەتسىزدىككە جول بەرمەۋگە شاقىردى.
ن.نىعماتۋليننىڭ پىكىرىنشە, كەڭ بايتاق قازاقستانىمىزدىڭ ءاربىر ازاماتى, ءاربىر ايماعى – ءبىزدىڭ باعا جەتپەس بايلىعىمىز. ولاردى كوزدىڭ قاراشىعىنداي ساقتاپ, قورعاۋ – ءاربىر ازاماتتىڭ قاسيەتتى بورىشى.