دارىگەرلەر اللەرگياعا شالدىققانداردىڭ 80 پايىزى الماتىدا تۇرادى دەيدى.
«الماتى - قازاقستاننىڭ وڭتۇستىك استاناسى عانا ەمەس, سونىمەن بىرگە, قازاقستاننىڭ جانە بۇكىل ورتالىق ازيانىڭ اللەرگيالىق استاناسى بولۋى مۇمكىن» دەدى رەسپۋبليكالىق اللەرگيا ورتالىعىنىڭ جەتەكشىسى تايىر نۇرپەيىسوۆ الماتىدا جۋرناليستەرمەن كەزدەسكەن كەزدە.
دارىگەردىڭ تۇسىندىرۋىنشە, مۇنىڭ سەبەپ-سالدارى تىم كوپ. جاز ۇزاق, قىس قىسقا. قىس, سۋىق مەرزىمىنىڭ قىسقا ۋاقىتپەن شەكتەلىپ قالۋى وسىمدىكتەردە اللەرگيانى قوزدىراتىن نانو-بولشەكتەردىڭ مۇلدەم قۋراپ كەتۋىنە جول بەرمەيدى. قىستان قۋراپ قالماي, كوكتەمگە جەتكەندەرىنىڭ وزدەرى ادام بويىنداعى اللەگريانى قوزدىرىپ جىبەرەتىن نۇكتەنى اشىپ جىبەرۋگە جاراپ تۇر. سونىمەن ءبىر مەزگىلدە ادام بويىنداعى اللەرگونداردىڭ كوزىن اشىپ, قوزدىرىپ جىبەرەتىن جۋساننىڭ 20 ءتۇرى الماتىدا وسەدى.
«الماتى مەن الماتى وبلىسىندا جۋساننىڭ 20-دان استام ءتۇرى گۇلدەيدى. ولاردىڭ كوپشىلىگى بىزدە عانا گۇلدەيدى. ەگەر جۋسان ستراتەگيالىق رەسۋرس بولسا, وندا الماتى كۋالا-لۋمپۋر بولار ەدى. توزاڭ وتە قۇبىلمالى, نانوبولشەكتەرى بار, توزاڭ قار ەرىگەن سوڭ دا اۋاعا تۇسە الادى» دەدى اللەرگولوگ.
مۇنىڭ بارىنە نە ىستەۋ كەرەك ەكەندىگى جانە وسىمدىكتەردەگى نانوبولشەكتەردىڭ اۋاعا تاراپ كەتپەۋىنىڭ الدىن قالاي الارىمىز ازىرگە بەلگىسىز. ەۋروپادا اللەرگياعا شالدىققان ادامداردىڭ قۇقىن قورعايتىن جۇمىس توپتارى, قوعامدىق قورلار بار. ولار كوگالداردىڭ, گازونداردىڭ ورنىنا ادامنىڭ دەنساۋلىعىنا اسەر ەتپەيتىن تاستار توسەلسىن, قوعامدىق ورىندارعا گۇل ەگۋدىڭ الدىندا ونىڭ قۇرامىنداعى اللەرگونداردىڭ قۇرامىن تەكسەرسىن دەپ تالاپ قويىپ جاتادى. سەبەبى الماتىداعى گۇلزارلاردىڭ باسىم كوپشىلىگى اينالاسىنا كورىك بەرىپ, قۋانىش سىيلاسا, ەكىنشى ءبىرىنىڭ اللەرگوندارىن قوزدىرىپ, تىنىسىن تارىلتىپ جاتادى. ەسىتۋىمىزشە, مۇنداي زاڭ جوباسى ءبىزدىڭ ەلدە دە قاراستىرىلىپ جاتقان كورىنەدى.
سونىمەن بىزدە زارداپ شەگۋشىلەردىڭ كوپشىلىگى ينتەرنەتتەن «جۋسان اللەرگياسىن ەمدەۋ» ءۇشىن اقپارات سۇراپ, ينتەرنەتتەن ەم ىزدەپ, اللەرگيانى ەمدەۋدى ءجون سانايدى.
ازىرگە اللەرگيادان قۇلانتازا ايىعىپ شىعۋعا مۇمكىندىك بەرەتىن ەم ءتۇرى جوق. حح عاسىر اللەگەريانى «عاسىر دەرتى» دەپ تىركەدى.
ححI عاسىردا دا دەرتتىڭ بۇل ءتۇرى ءوزىنىڭ «ەرەكشە مارتەبەسىنەن» ايىرىلىپ قالعان جوق. الماتى سونىڭ كوش باسىندا تۇر.
الماتى