جەكسەنبىدە ەلىمىزدە تۇمان تۇسەدى, كوكتايعاق بولادى, جاۋىن جاۋىپ, ارتى قارعا اينالادى, قاتتى جەل تۇرۋى مۇمكىن دەپ حابارلايدى قازگيدرومەت.
«9 اقپاندا قازاقستان اۋماعىنىڭ باسىم بولىگى تسيكلون ىقپالىندا بولادى, سوعان بايلانىستى جاۋىن-شاشىن (قار, جاڭبىر) كۇتىلەدى, وڭتۇستىك اۋدانداردا كۇن كۇركىرەيدى. تەك رەسپۋبليكانىڭ باتىسىندا جانە وڭتۇستىك-شىعىسىندا جاۋىن-شاشىنسىز اۋا رايى ساقتالادى. رەسپۋبليكا بويىنشا كەي جەرلەردە تۇمان, كوكتايعاق, جەلدىڭ كۇشەيۋى ساقتالادى, سولتۇستىكتە بۇرقاسىن سوعادى» دەلىنگەن بولجامدا.
اقمولا وبلىسىنىڭ كەي جەرلەرىندە تۇمان, كوكتايعاق, بۇرقاسىن كۇتىلەدى, جەل 15-23 م/س كۇشەيەدى.
سولتۇستىك قازاقستان, اقتوبە, باتىس قازاقستان وبلىستارىنىڭ كەي جەرلەرىندە تۇمان, اقتوبە وبلىسىنىڭ كەي جەرلەرىندە كوكتايعاق كۇتىلەدى.
قىزىلوردا, ماڭعىستاۋ, پاۆلودار, قاراعاندى, شىعىس قازاقستان وبلىستارىنىڭ كەي جەرلەرىندە تۇمان, كوكتايعاق كۇتىلەدى, جەل 15-23, شىعىس قازاقستان وبلىسىندا ەكپىنى 23-28 م/س كۇشەيەدى.
قوستاناي وبلىسىنىڭ كەي جەرلەرىندە تۇمان, كوكتايعاق, كۇندىز جەل 18 م/س جەتەدى, بۇرقاسىن سوعادى.
الماتى, اتىراۋ وبلىستارىنىڭ كەي جەرلەرىندە جەل 15-20 م/س, الماتى وبلىسىنىڭ جالاڭاشكول اۋدانىندا ەكپىنى 25 م/س جەتەدى.
جامبىل وبلىسىنىڭ كەي جەرلەرىندە تۇمان كۇتىلەدى, جەل 15-20, ەكپىنى 23-28 م/س, وڭتۇستىك-باتىسىندا 30 م/س جەتەدى, ودان دا اسىپ كەتۋى مۇمكىن.
تۇركىستان وبلىسىندا جەل كۇشەيەدى, تۇندە كەي جەرلەردە 15-20 م/س, كۇندىز 15-20, كەي جەرلەرىندە 23-28, تاۋ بوكتەرلەرىندە 30 م/س جانە ودان دا قاتتى سوعۋى مۇمكىن.