بۇل تۋرالى بۇگىن قحر دەنساۋلىق ساقتاۋ مەملەكەتتىك كوميتەتىنەن حابارلادى.
«سەنبى, 8 اقپانداعى جاعداي بويىنشا 1540 ادام ەمدەلىپ, اۋرۋحانالاردان شىعارىلدى» دەدى دەنساۋلىق ساقتاۋ مەملەكەتتىك كوميتەتىنىڭ رەسمي وكىلى گۋو يانحۋن.
رەسمي ورىندار ەمدەلىپ جاتقان 500 ناۋقاستىڭ جاعدايىنا ساراپتامالىق جاعداي جۇرگىزگەن.
«ونىڭ ىشىندە دەرتى تەرەڭدەپ كەتپەگەندەر دە, اۋىر جاعدايدا جاتقان ناۋقاستار دا بولدى. ءتىپتى كەيبىرەۋلەرىنىڭ جاعدايى ودان دا اۋىر بولدى» دەپ اتاپ ءوتتى گۋو يانحون.
رەسمي وكىلدىڭ ايتۋىنشا, ۆيرۋستى جۇقتىرعان ناۋقاستاردىڭ ەمدەلىپ, قۇلان-تازا ايىعىپ شىعۋ مەرزىمى ورتا ەسەپپەن العاندا - 10 كۇن.
«ساۋىعىپ كەلە جاتقان ناۋقاستاردى ەمدەۋ ادىستەرىن تالداۋ نەگىزىندە ۆيرۋسقا قارسى تەراپيانىڭ كەيبىر ادىستەرى, سونىڭ ىشىندە سيمپتوماتيكالىق ەم جانە قولداۋ تەراپياسى, اسىرەسە, ءداستۇرلى قىتاي مەديتسيناسى جاقسى ناتيجە بەرگەنىن» اتاپ ءوتتى گۋو يانحۋن.
ء«بىز الداعى ۋاقىتتا ناۋقاستاردى كلينيكالىق ەمدەۋگە باعىت بەرۋ جانە ەمدەۋ جىلدامدىعىن ارتتىرۋ ءۇشىن دياگنوستيكا مەن ەمدەۋدە وسى ادىستەردى ۇنەمى ەنگىزەمىز» دەيدى گۋو يانحۋن.
پەكين ۋنيۆەرسيتەتى № 1 اۋرۋحاناسى جۇقپالى اۋرۋلار كافەدراسىنىڭ مەڭگەرۋشىسى ۆان گۋيچياننىڭ ايتۋىنشا, ۋحاننان جەتكەن (ەپيدەميالىق ىندەتتىڭ ەپيتسەنترى) دەرەكتەر كورسەتكەندەي, قاتتى اۋىرعان جانە ءتىپتى وتە اۋىر ناۋقاستاردى دا ەمدەۋگە بولاتىنى انىقتالدى.
باسقاشا ايتقاندا, الەمدى اياعىنان تىك تۇرعىزعان قاۋىپتى دەرتتىڭ ەمى تابىلىپ, قاۋىپتىڭ بەتى قايتتى دەپ بولجام جاساۋعا بولادى.
الماتى