كوروناۆيرۋستىڭ ءورشۋى تۋرالى الدىن الا ەسكەرتۋ جاساعان قىتايلىق دارىگەر قايتىس بولدى. بۇل تۋرالى BBC حابارلادى.
العاشىندا بۇل دارىگەر جالعان اقپارات تاراتتى دەپ ايىپتالعان ەدى. ول وتكەن جىلدىڭ 30 جەلتوقسانىندا ارىپتەستەرىنە تەڭىز ونىمدەرىن ساتاتىن بازاردا جەتى بىردەي وقيعا تىركەلگەنىن ايتقان. اۋرۋدىڭ بەلگىلەرى SARS كوروناۆيرۋسىنا ۇقساس دەپ جەتكىزگەن. كەيىن دارىگەردىڭ جازباسى جەلىگە تاراپ كەتكەن. وسىدان سوڭ قالالىق دەنساۋلىق ساقتاۋ باسقارماسىنىڭ شەنەۋنىكتەرى ونى شاقىرىپ, اقپاراتتى جالعان دەپ مويىنداتقان. ءسويتىپ دارىگەرگە قاۋەسەت تاراتتى دەگەن ايىپ تاعىلعان.
قاڭتار ايىنىڭ سوڭىندا لي ۆەنليان Weibo جەلىسىندە ءوزىنىڭ ۆيرۋس جۇقتىرعانىن مالىمدەيدى. وسىدان سوڭ بيلىك وكىلدەرى ودان كەشىرىم سۇرايدى. الايدا دارىگەر ىندەتتەن ايىققان جوق. بەيسەنبىدە جەرگىلىكتى باق ونىڭ قايتىس بولعانىن حابارلادى.
قىتايلىق Pear Video سايتىنىڭ حابارلاۋىنشا, دوكتور ءليدىڭ ايەلى ماۋسىم ايىندا بوسانۋى كەرەك.