يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ مينيسترلىك ۇجىمىنا جاڭا ۆيتسە-مينيستر دينارا ششەگلوۆانى تانىستىردى. ول سالالاردى تسيفرلاندىرۋ ماسەلەلەرىنە جانە مينيسترلىكتىڭ جوبالىق كەڭسەسىنە جەتەكشىلىك ەتەتىن بولادى. بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى حابارلادى.
دينارا ششەگلوۆا 1982 جىلى دۇنيەگە كەلگەن. ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىندە «حالىقارالىق قۇقىق» ماماندىعى, قازاق ەكونوميكا, قارجى جانە حالىقارالىق ساۋدا ۋنيۆەرسيتەتىندە «مەنەدجمەنت» ماماندىعى, قازاق ەكونوميكا, قارجى جانە حالىقارالىق ساۋدا ۋنيۆەرسيتەتىندە «اقپاراتتىق جۇيەلەر» ماماندىعى بويىنشا ءبىلىم العان.
ەڭبەك جولىن قازاقستان رەسپۋبليكاسى اقپارات جانە بايلانىس اگەنتتىگىنەن باستاعان. 2011-2017 جىلدارى «زەردە» ۇلتتىق ينفوكوممۋنيكاتسيالىق حولدينگى» اق-دا ەڭبەك ەتتى.
2018-2019 جىلدارى - قازاقستان رەسپۋبليكاسى اقپارات جانە كوممۋنيكاتسيالار ۆيتسە-ءمينيسترى.
وسى تاعايىنداۋعا دەيىن قازاقستان رەسپۋبليكاسى پرەمەر-ءمينيسترىنىڭ كەڭەسشىسى بولدى.