ازىق-ت ۇلىك تاۋارلارىنىڭ نەگىزگى تۇرلەرىنەن قازاقستان ءوزىن 80 پايىزعا قامتاماسىز ەتەدى, ال كەيبىرىنەن ءتىپتى ارتىقشىلىق بار. تەك التى تاۋار, ولار: الما, بالىق, شۇجىق ونىمدەرى, ىرىمشىك, سۇزبە, قانت جانە قۇس ەتى بويىنشا يمپورت تاۋەلدىلىگى ساقتالۋدا. دەسەك تە بۇل ولقىلىقتى اۋىل شارۋاشىلىعى مينيسترلىگى جاقىن ۋاقىتتا جويۋدى جوسپارلاپ وتىر.
اعىمداعى جىلى جىلىنا 105 مىڭ توننا ءسۇت وندىرەتىن 25 تاۋارلىق ءسۇت فەرماسى, 3 ەت كومبيناتى, قۋاتتىلىعى 73 مىڭ توننالىق 8 قۇس فابريكاسى سالىناتىن بولادى, 2 مىڭ گەكتارعا باق وتىرعىزۋ جوسپارلانعان. سونداي-اق جامبىل جانە پاۆلودار وبلىستارىندا جىلىنا جالپى ءوندىرىس قۋاتى 200 مىڭ توننا قانت وندىرەتىن 2 قانت زاۋىتىنىڭ قۇرىلىسى باستالدى. سونىمەن قاتار قولدانىستاعى ءۇش قانت زاۋىتى جاڭعىرتىلادى.
بۇدان باسقا, سۋارمالى جەرلەردىڭ كولەمى ازىقتىق داقىلدارى ءۇشىن – 45 مىڭ گا, كوكونىستەرگە – 15 مىڭ گا كەڭەيتىلەدى. سونداي-اق ءارتاراپتاندىرۋ بويىنشا تيىمدىلىگى جوعارى «مايلى جانە بۇرشاقتى» داقىلدارعا ارنالعان ەگىستىك القابى ۇلعايتىلاتىن بولادى.
اتالمىش شارالار اعىمداعى جىلى اۋىل شارۋاشىلىعى ونىمدەرى يمپورتىنىڭ جالپى ۇلەسىن 36,2%-دان 31,2%-عا دەيىن قىسقارتۋعا, ال 2024 جىلعا قاراي ەلدىڭ ىشكى نارىعىن وتاندىق ازىق-ت ۇلىكپەن تولىق قامتاماسىز ەتۋگە مۇمكىندىك بەرەدى.