س.سەيفۋللين اتىنداعى قازاق اگروتەحنيكالىق ۋنيۆەرسيتەتىندە «قازاقستان رەسپۋبليكاسى اگرارلىق عىلىمدى دامىتۋدىڭ پروبلەمالارى مەن پەرسپەكتيۆالارى» تاقىرىبىنداعى پارلامەنت سەناتىنىڭ ەكونوميكالىق ساياسات, يننوۆاتسيالىق دامۋ جانە كاسىپكەرلىك كوميتەتىنىڭ كوشپەلى وتىرىسى ءوتتى.
اتالعان جيىنعا پارلامەنت سەناتىنىڭ دەپۋتاتى د.ادىلبەكوۆ, پارلامەنت سەناتى كوميتەتىنىڭ مۇشەلەرى, ءبىلىم جانە عىلىم مينيسترلىگى مەن اۋىل شارۋاشىلىعى مينيسترلىگىنىڭ وكىلدەرى, «ۇاعبو» كەاق باسقارما توراعاسى ت.راقىمبەكوۆ, «س.سەيفۋللين اتىنداعى قازاتۋ» كەاق باسقارما توراعاسى ا.كۇرىشباەۆ, «قازاق ەگىنشىلىك جانە وسىمدىك شارۋاشىلىعى عزي» جشس باس ديرەكتورى ا.ۆ.اگەەنكو, «قازاق عىلىمي-زەرتتەۋ ۆەتەريناريا ينستيتۋتى» جشس باس ديرەكتورى ا.سۇلتانوۆ جانە وزگە دە عالىمدار مەن ماماندار قاتىستى.
شارا بارىسىندا تاقىرىپتىڭ وزەكتىلىگىن ەسكەرە وتىرىپ, اگروونەركاسىپتىك كەشەندى دامىتۋ تۋرالى زاڭنامانى جەتىلدىرۋمەن قاتار ەكونوميكانىڭ ستراتەگيالىق ماڭىزدى سالالارىندا ىرگەلى, قولدانبالى زەرتتەۋلەردى جۇرگىزۋ جۇمىستارىن جانداندىرۋ كەرەكتىگى ءسوز بولدى. وسىعان بايلانىستى ەلىمىزدەگى اۋىل شارۋاشىلىعى سالاسى بويىنشا ماماندار دايارلايتىن ءبىلىم وردالارىنىڭ زامان تالابىنا ساي بولۋى دا نازاردان تىس قالعان جوق. بۇل ءۇشىن سالادا جەتىستىككە جەتكەن ەلدەردەگىدەي ءبىلىم وشاقتارىن عىلىمي زەرتتەۋ ۋنيۆەرسيتەتتەرىنە اينالدىرۋ ماسەلەسىن جەدەلدەتۋ كەرەكتىگى ايتىلدى.
قاتىسۋشىلار اۋىل شارۋاشىلىعىن دامىتۋ ماقساتىندا ەلدە ارنايى سالاعا بايلانىستى اقپارات قۇرالدارىنىڭ ازدىعى دا ءوز كەزەگىندە اشس العا جىلجۋىنا كەدەرگى كەلتىرەتىنى ايتىلدى. سونداي-اق دەپۋتاتتار ۋنيۆەرسيتەتتىڭ ينجەنەرلىك كادرلاردى دايارلاۋ جانە قايتا دايارلاۋ ماسەلەسىمەن تانىسىپ, گەواقپاراتتىق جۇيەلەر بويىنشا قازاق-كورەي ورتالىعى, Big Data ورتالىعى, جاساندى ينتەللەكت ورتالىعىندا بولدى. سونىمەن قوسا ۋنيۆەرسيتەتتە شىعارىلعان ونىمدەر دەپۋتاتتار نازارىنا ۇسىنىلدى.
رەكتور ا.كۇرىشباەۆ ءوز سوزىندە بۇگىنگى تاڭدا قازاتۋ ەلىمىزدەگى ءىرى اگرارلىق زەرتتەۋ ۋنيۆەرسيتەتى بولۋعا دايىن ەكەنىن مالىمدەدى. ودان بولەك عىلىمي جانە كادرلىق مۇمكىندىكتەرگە ساي ماماندار دايارلاپ, اۋىل شارۋاشىلىعىندا سەنىمدى سەرىكتەس بولۋعا جول اشىلماق. وسىعان سايكەس اگرارلىق سەكتوردىڭ ەكونوميكاسىنا ارنالعان جاڭا فورماتتاعى مامانداردى دايارلاۋعا باعىتتالعان حالىقارالىق جوبا جۇزەگە اسىرىلماق. الداعى ۋاقىتتا قازاتۋ فرانتسياداعى AgroParisTech ۋنيۆەرسيتەتىمەن بىرگە قوس ديپلومدىق ءبىلىم بەرۋ جۇيەسىنە كوشۋ مەن وقۋ باعدارلامالارىن جاڭعىرتۋ بويىنشا جول كارتاسىن جەتىلدىرمەك.