فرانتسيانىڭ تين وڭىرىندە فريستايل-موگۋلدان ءوتىپ جاتقان ەۋروپا كۋبوگىندا اناستاسيا گورودكو جەڭىمپاز اتاندى. بۇل تۋرالى مادەنيەت جانە سپورت مينيسترلىگىنىڭ ءباسپاسوز قىزمەتى حابارلادى.
بۇل جولى وتانداسىمىز پاراللەلدى موگۋل باسەكەسىندە (150.00 ۇپاي) قارسىلاس شاق كەلتىرمەدى. ەكىنشى ورىندى چەحيالىق ەليسكا كۋفالوۆا, ال ۇشتىكتى نيدەرلاندى وكىلى ياننەكە بەرگيۋيس تۇيىندەدى.
سونداي-اق ءدال وسى باسەكەدە ونەر كورسەتكەن ەكىنشى سپورتشىمىز ولەسيا گراۋر 6-ساتىعا (60.00 ۇپاي) جايعاستى.
ايتا كەتەيىك, اناستاسيا گورودكو ءوزى قاتىسقان بارلىق ەۋروپا كۋبوگى كەزەڭدەرىندە جەڭىس تۇعىرىنان كورىنىپ ءجۇر.