پرەمەر-مينيستر اسقار مامين ينۆەستيتسيالىق ىنتىماقتاستىقتى ودان ءارى دامىتۋ ماسەلەلەرى جونىندەگى ديالوگ الاڭى اياسىندا ەۋروپالىق وداققا مۇشە مەملەكەتتەردىڭ ديپلوماتيالىق ميسسيالارىنىڭ باسشىلارىمەن كەزەكتى كەزدەسۋدى وتكىزدى. بۇل تۋرالى primeminister.kz حابارلادى.
پرەمەر-مينيستر اسقار مامين تۇڭعىش پرەزيدەنت – ەلباسى نۇرسۇلتان نازارباەۆ پەن مەملەكەت باسشىسى قاسىم-جومارت توقاەۆ ەۋروپالىق وداق ەلدەرىمەن ورناعان ىنتىماقتاستىققا اسا كوڭىل بولەتىنىن اتاپ ءوتتى.
«ەو – قازاقستاننىڭ باستى ينۆەستورلارىنىڭ ءبىرى جانە ءىرى ساۋدا سەرىكتەسى. 2019 جىلدىڭ 9 ايىندا ەكونوميكاسىنا تۇسكەن تىكەلەي شەتەلدىك ينۆەستيتسيالار اعىنى $8,7 ملرد دەيىن 15,8%-عا ارتتى», — دەدى ا. مامين.
ۇكىمەت باسشىسى بيىل 1 ناۋرىزدا ەو اراسىنداعى كەڭەيتىلگەن سەرىكتەستىك پەن ىنتىماقتاستىق تۋرالى كەلىسىمنىڭ (كسىك) كۇشىنە ەنۋى قازاقستان–ەۋروپا قاتىناستارىنداعى ساپالى جاڭا كەزەڭنىڭ باستالۋىن بىلدىرەتىنىن اتاپ ءوتتى. قۇجات ساۋدا, ينۆەستيتسيالار, يننوۆاتسيالار جانە ينفراقۇرىلىمدىق دامۋدى قوسا العاندا, قىزمەتتىڭ 29 سالاسىن قامتيدى.
ا.مامين ەۋروپالىق وداقتىڭ ەلشىلەرىن قازاقستاننىڭ ەو-مەن ساۋدا-ەكونوميكالىق جانە ينۆەستيتسيالىق ىنتىماقتاستىعىنا جاردەمدەسۋ بويىنشا اشىق ءارى بەلسەندى ديالوگتى ودان ءارى جالعاستىرۋعا شاقىردى.
ءوز كەزەگىندە, ديپلوماتيالىق ميسسيالاردىڭ باسشىلارى قازاقستاندا بيزنەستى جۇرگىزۋ ءۇشىن قولايلى جاعداي جاساۋ جۇمىستارىنىڭ وڭ قارقىنىن اتاپ ءوتتى.
«قازاقستان “Doing Business” رەيتينگىندە تۇراقتى پروگرەسكە قول جەتكىزۋدە جانە ينۆەستيتسيالىق احۋال مەن ىسكەرلىك ورتانى ودان ءارى جاقسارتۋ ءۇشىن زور الەۋەتكە يە. مۇندا قازاقستاننىڭ ەو-مەن ينۆەستيتسيالىق ىنتىماقتاستىعى جونىندەگى ديالوگ ۇلكەن ءرول اتقارادى», — دەدى ەو وكىلدىگىنىڭ باسشىسى سۆەن-ولوۆ كارلسسون.
تاراپتار قر پرەزيدەنتى ق. توقاەۆتىڭ بريۋسسەل قالاسىنا الداعى ساپارىنا دايىندىقتى, كسىك ىسكە اسىرۋ بويىنشا قازاقستاندىق تاراپ ازىرلەگەن جول كارتاسىن, سونداي-اق ينۆەستورلاردى سىبايلاس جەمقورلىققا قارسى سۇيەمەلدەۋ جانە سالىق ساياساتى ماسەلەلەرىن تالقىلادى.
كەزدەسۋگە اۆستريا, بەلگيا, گەرمانيا, فرانتسيا, نيدەرلاندى, پولشا, يسپانيا, ەستونيا, يتاليا, لاتۆيا, ليتۆا, گرەكيا, يسپانيا, حورۆاتيا, رۋمىنيا, سلوۆاكيا, ماجارستان, فينليانديا, شۆەتسيا ەلشىلەرى, پورتۋگاليا, بولگاريا, چەحيا, سونداي-اق ءىرى ەۋروپالىق كومپانيالاردىڭ وكىلدەرى قاتىستى.
بيىل ءساۋىر ايىندا وتەتىن قازاقستاننىڭ ەو-مەن ينۆەستيتسيالىق ىنتىماقتاستىعى جونىندەگى ديالوگتىڭ كەلەسى وتىرىسىندا كسىك جۇزەگە اسىرۋ بويىنشا ناقتى قادامداردى, جاسىل ەكونوميكاعا كوشۋ ماسەلەلەرىن جانە وسى جىلدىڭ ماۋسىم ايىندا نۇر-سۇلتان قالاسىندا وتەتىن دسۇ XII مينيسترلەر كونفەرەنتسياسىنا دايىندىق ماسەلەلەرىن تالقىلاۋ جوسپارلانعان.