بۇگىن پالاتا سپيكەرى نۇرلان نىعماتۋليننىڭ توراعالىعىمەن ءماجىلىستىڭ كەزەكتى جالپى وتىرىسى ءوتىپ, دەپۋتاتتار لوتەرەيالار جانە لوتەرەيا قىزمەتىنە قاتىستى زاڭنامالىق تۇزەتۋلەردى ءى وقىلىمدا ماقۇلدادى. زاڭ جوباسىنىڭ ماقساتى - لوتەرەيالىق قىزمەتتى جۇزەگە اسىرۋدىڭ جاڭا ۇستانىمدارىن ودان ءارى نىعايتۋ. بۇل تۋرالى پارلامەنت ءماجىلىسىنىڭ ءباسپاسوز قىزمەتى حابارلادى.
2017 جىلعى 10 اقپانداعى №48 قازاقستان رەسپۋبليكاسى ۇكىمەتىنىڭ قاۋلىسىمەن ء«ساتتى جۇلدىز» اكتسيونەرلىك قوعامى لوتەرەيا وپەراتورى بولىپ انىقتالدى. جاڭا زاڭعا سايكەس انىقتالعان لوتەرەيا وپەراتورى, لوتەرەيا بيلەتتەرىن ساتۋ, قازاقستاندىقتارعا ۇتىستاردى تولەۋ, قازاقستان بيۋدجەتىنە سالىق تولەۋ, سپورتتى دامىتۋعا تولەمدەر, سونداي-اق, 3 مىڭنان استام شاعىن بيزنەس سۋبەكتىسىنە قوسىمشا تابىس كوزدەرىن جانە جۇمىس ورىندارىن قۇرۋ ماسەلەسىن قامتاماسىز ەتتى. لوتەرەيا ءبىزدىڭ ەلدە مەملەكەت باقىلاۋىندا.
لوتەرەيا وتكىزۋدىڭ ماڭىزدى ەلەمەنتى – مەملەكەتتىڭ الەۋمەتتىك باعدارلامالارىن قولداۋ, ءبىزدىڭ ەلدە قاراجاتتار سپورتتى دامىتۋعا باعىتتاۋ. وسى رەتتە ءماجىلىس توراعاسى كەزىندە لوتەرەيادان تۇسكەن كىرىستەرگە كوپتەگەن سپورتتىق مەكەمە سالىنىپ, الەۋمەتتىك جوبالار جۇزەگە اسىرىلعانىن العا تارتا كەلىپ, بۇل مەملەكەت ءۇشىن دە قاجەت ەكەنىن جانە بيلەت الۋشى ازاماتتىڭ دا الەۋمەتتىك دامۋعا ۇلەسىن بىلدىرەتىنىن باسا اتاپ ءوتتى. سونداي-اق ن. نىعماتۋلين لوتەرەيا قىزمەتىندە ايقىن ءتارتىپ پەن قاتاڭ باقىلاۋ بولۋ كەرەكتىگىن, ال لوتەرەيالاردان تۇسكەن كىرىستەر الەۋمەتتىك ماقساتتارعا باعىتتالۋى تيىستىگىنە نازار اۋداردى.
وسى كۇنى ءماجىلىس ماقۇلداعان تاعى ءبىر زاڭ جوباسى 2006 جىلعى 6 قاراشاداعى ارمەنيامەن تابىس پەن م ۇلىككە سالىناتىن سالىقتارعا قاتىستى قوسارلانعان سالىق سالۋدى بولدىرماۋ جانە سالىق سالۋدان جالتارۋعا جول بەرمەۋ تۋرالى ۇكىمەتارالىق كونۆەنتسيا جانە وعان حاتتاما شەڭبەرىندە ەكى ەلدىڭ ۋاكىلەتتى ورگاندارى بەرگەن رەزيدەنتتىكتى راستايتىن رەسمي قۇجاتتاردى تانۋ ءتارتىبى تۋرالى نوتالار الماسۋ نىسانىنداعى كەلىسىمدى راتيفيكاتسيالاۋ. زاڭ جوباسى شەڭبەرىندە رەسمي قۇجاتتاردى تانۋ ءتارتىبى تۋرالى رەتروسپەكتيۆتى نورما كوزدەلگەنىن اتاپ وتكەن ءجون. مۇنداي رەتروسپەكتيۆتىلىك ەكى مەملەكەتتىڭ سالىق تولەۋشىلەرىنە قوسارلانعان سالىق سالۋ تاۋەكەلىن بولدىرماۋعا مۇمكىندىك بەرەدى. قۇجات راتيفيكاتسيالانعاننان كەيىن قانداي دا ءبىر ارنايى كۋالىكتى, ونىڭ ىشىندە ءاپوستيلدى نەمەسە كونسۋلدىق زاڭداستىرۋدى جويۋدى بولجايدى.
بۇل شارا ءبىزدىڭ ەلدەرىمىز اراسىنداعى بيزنەس-احۋالدى ەداۋىر جاقسارتۋعا مۇمكىندىك بەرەدى, سونداي-اق, ءبىزدىڭ ەكونوميكامىزدىڭ ينۆەستيتسيالىق تارتىمدىلىعىنا وڭ اسەر ەتەدى. ويتكەنى قۇجات اينالىمىنا بايلانىستى بيۋروكراتيالىق راسىمدەر جەڭىلدەتىلەدى. ورتاق جانە اشىق كەدەندىك شەكارالار مەن وتكىزۋ نارىقتارىنا يە بولا وتىرىپ, قازاقستان مەن ارمەنيا تاۋار اينالىمى مەن ينۆەستيتسيالاردى ۇلعايتۋعا ءوزارا مۇددەلى. ال برازيليامەن سوتتالعان ادامداردى بەرۋ تۋرالى شارتتى راتيفيكاتسيالاۋ ءبىزدىڭ ازاماتتارىمىزدىڭ ءوز جازاسىن وتانىندا وتەۋىنە جانە قاماۋدان بوساتىلعان كەزدە قوعامعا تەز قايتا ارالاسۋىنا مۇمكىندىك بەرەدى. جالپى العاندا, بۇل سوتتالعان ادامداردى الەۋمەتتىك جاعىنان وڭالتۋعا وڭ اسەرىن تيگىزەدى. حالىقارالىق قۇقىقتا مەملەكەتتەر اراسىندا سوتتالعان ادامداردى باس بوستاندىعىنان ايىرۋ جازاسىن ودان ءارى ءوز وتانىندا وتەۋ ءۇشىن بەرۋ جونىندە شارت جاساسۋ پراكتيكاسى بار.
ءبىزدىڭ ەلىمىز ەۋروپا, ازيا, امەريكا قۇرىلىقتارىنىڭ مەملەكەتتەرىمەن وسىنداي شارتتار جاساستى. ال بۇگىنگى شارت برازيليا فەدەراتيۆتىك رەسپۋبليكاسىمەن جاسالىپ وتىر. وعان سايكەس تاراپتار سوتتالعان ادامداردى بەرۋ بويىنشا ىنتىماقتاستىقتى جۇزەگە اسىرادى. بۇل شارتتا ەكى ەلدىڭ ءبىر-بىرىنە وسىنداي ادامداردى بەرۋ ءتارتىبى مەن ءمان-جايلارى كوزدەلگەن. ءماجىلىس جالپى وتىرىستا قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل ماسەلەلەرى بويىنشا زاڭنامالىق تۇزەتۋلەردى ەكىنشى وقىلىمدا ماقۇلدادى.
جالپى وتىرىس سوڭىندا ادەتتەگىدەي مۇددەلى ورگاندارعا دەپۋتاتتىق ساۋالدار جولداندى.