اعىمداعى جىلدىڭ 28 قاڭتارىندا ەڭبەكشى اۋدانى پوليتسيا باسقارماسىنىڭ قىزمەتكەرلەرى ەر ادامعا قاراقشىلىق شابۋىل جاساعان ەكى كۇدىكتىنى ءىزىن سۋىتپاي ۇستادى.
كۇدىكتىلەر جابىرلەنۋشىنى پىشاقتاپ, ودان اقشا سالىنعان كۇرتەشەنى تارتىپ الادى, سوسىن وقيعا ورنىنان بوي تاسالاعان. جەدەل-ىزدەستىرۋ ءىس-شارالارىنىڭ ناتيجەسىندە كۇدىكتىلەر ۇستالىپ, پوليتسياعا جەتكىزىلدى. جەتكىزىلگەن ازاماتتار جەرگىلىكتى تۇرعىندار بولىپ شىقتى, ولاردىڭ بىرەۋى بۇرىن سوتتى بولعان. تاركىلەنىپ الىنعان پىشاققا ساراپتاما تاعايىندالدى.
اتالعان جايت بويىنشا قازاقستان رەسپۋبليكاسى قىلمىستىق كودەكسىنىڭ 192-بابىنىڭ 2-بولىگىمەن («قاراقشىلىق») سوتقا دەيىنگى تەرگەپ-تەكسەرۋ امالدارى باستالدى.
كۇدىكتىلەر ۋاقىتشا ۇستاۋ اباقتىسىنا جەتكىزىلدى. پوليتسيا قىزمەتكەرلەرى ولاردىڭ باسقا قىلمىستارعا قاتىسى بار-جوعىن تەكسەرۋدە.
شىمكەنت