باتىس قازاقستان وبلىسىنىڭ جانىبەك اۋىلىندا وتكەن قاڭتار ايىندا «Batys Alga» اتتى جانارماي قۇيۋ بەكەتى اشىلعان بولاتىن. جاڭا بەكەتتىڭ تالوندارىنان بيىل مەرەيتويى تويلاناتىن تاريحي تۇلعالاردىڭ سۋرەتىن كورىپ, ءسۇيسىنىپ قالدىق.
- بۇل يدەيانى جانىبەك اۋداندىق كاسىپكەرلىك جانە اۋىل شارۋاشىلىق ءبولىمىنىڭ باسشىسى ارمان يسقاقوۆپەن اقىلداسىپ, ديزاينىن كەلىسىپ جاسادىق. ەڭ سوڭىنان ءوز اتام - «Batys Alga» جەكە كاسىپكەرلىگىنىڭ يەسى تەمىرحان الىپقاليەۆكە ۇناعان نۇسقاعا توقتاپ, باسىپ شىعاردىق, - دەيدى كاسىپكەردىڭ نەمەرەسى ەلدار ورالحان ۇلى.
جانىبەكتەگى جاڭا جانارماي بەكەتى تالونىمەن عانا ەمەس, تاۋار باعاسىمەن دە ەلدىڭ كوڭىلىنەن شىعىپ تۇر. ويتكەنى وبلىس ورتالىعىنان 600 شاقىرىمداي قاشىقتا جاتقان بۇل وڭىردە كەز كەلگەن قىزمەت تە, تاۋار باعاسى دا اسپانداپ كەتەتىنى بەلگىلى.
- بۇرىن ءبىزدىڭ اۋىلدا كوپ جىلدار بويى جالعىز جانارماي بەكەتى جۇمىس ىستەدى. بالاماسىز بولعان سوڭ, ونداعى بەنزين باعاسى دا قىمبات بولاتىن. «Batys Alga» اشىلعالى اۋىلدا اي-92 بەنزينىنىڭ باعاسى ليترىنە 185 تەڭگەدەن 160 تەڭگەگە ءتۇستى. ءار ليترگە 25 تەڭگە ارزاندادى. بۇل جەرگىلىكتى تۇرعىندار ءۇشىن ۇلكەن كومەك قوي, - دەيدى ارمان يسقاقوۆ.
باتىس قازاقستان