الماتى وبلىسى تالعار قالاسىنداعى «الاتاۋ» شاڭعى-بياتلون كەشەنىندە شاڭعىمەن جارىسۋدان قازاقستان كۋبوگىنىڭ ءبىرىنشى اينالىمى اياقتالدى. بۇل تۋرالى Olympic.kz حابارلادى.
ەلىمىزدىڭ 11 ايماعىنان جينالعان 130-دان اسا شاڭعىشى ءۇش باعلارلاما بويىنشا سىنعا ءتۇستى. اتاپ ايتار بولساق, سپورتشىلار كلاسسيكالىق ادىسپەن جەكەلەي سىن, ەركىن ادىسپەن سپرينت جانە ەركىن ادىسپەن ماسس-ستارت بويىنشا ءوزارا جەڭىمپازداردى انىقتادى.
ەرەسەكتەر مەن جاسوسپىرىمدەر اراسىندا جالپى ەسەبى 12 مەدال جيىنتىعى ساراپقا سالىنعان. جارىس قورىتىندىسى بويىنشا 12 مەدال يەلەنگەن اقمولا وبلىسى توپ جاردى. ولار 3 التىن, 6 كۇمىس جانە 3 قولا جۇلدە جەڭىپ العان.
7 مەدال ەنشىلەگەن الماتىلىق شاڭعىشىلار ەكىنشى ورىندا. ال ۇزدىك ۇشتىكتى 4 جۇلدەسى بار قوستانايلىقتار تۇيىندەگەن.