كوكشەتاۋ قالاسىندا سۋ قۇبىرى جارىلىپ, 20 تۇرعىن ءۇي سۋدان اجىراتىلدى. بۇل تۋرالى قازاقپارات حابارلادى.
«كوكشەتاۋ سۋ ارناسى» كوممۋنالدىق كاسىپورنىنىڭ مالىمەتى بويىنشا, توتەنشە جاعداي بۇگىن تاڭەرتەڭ اقان سەرى كوشەسىنىڭ بويىنداعى 116 تۇرعىن ءۇيدىڭ تۇسىندا بولعان.
«وسى جەردە ديامەترى 300 مم ماگيسترال سۋ قۇبىرى جارىلدى. وسىعان بايلانىستى نازارباەۆ داڭعىلى مەن اقان سەرى كوشەلەرىنىڭ قيلىساتىن تۇسى جابىلىپ, كولىك قوزعالىسىنا ۋاقىتشا شەكتەۋ قويىلدى. اپاتتى جويۋ ءۇشىن كەشكى ساعات 20:00-گە دەيىن 20 تۇرعىن ءۇيدى اۋىز سۋدان اجىراتۋعا تۋرا كەلدى. تۇرعىندارعا سۋ كۇنى بويى تاسىمالدانىپ جەتكىزىلەدى», - دەپ ءتۇسىندىردى «كوكشەتاۋ سۋ ارناسى» كوممۋنالدىق كاسىپورنىنىڭ ديسپەتچەرلەرى.
ايتا كەتەيىك, 2020 جىلدىڭ 1 قاڭتارىندا كوكشەتاۋ قالاسىنداعى ش.ءۋاليحانوۆ كوشەسى 177 ءۇيدىڭ جانىندا سۋ قۇبىرى جارىلعان بولاتىن. ال اقپاننىڭ 1-ىندە كوكشەتاۋعا قاراستى كراسنويار كەنتىندە ديامەترى 150 مم سۋ قۇبىرى ماگيسترالى جارىلىپ, تۇرعىندارعا سۋ تاسىمالدانىپ جەتكىزىلگەن ەدى.