مەملەكەتتىك ورگانعا شاعىم, ارىزدى ونلاين تۇردە جازۋعا بولادى. بۇل تۋرالى قازاقپارات «ازاماتتارعا ارنالعان ۇكىمەت مەملەكەتتىك كورپوراتسياسىنىڭ» ءباسپاسوز قىزمەتىنە سىلتەمە جاساپ حابارلادى.
«ەگەر مەملەكەتتىك ورگانعا شاعىم, ارىز نە ۇسىنىس جازعىڭىز كەلسە, ونى ونلاين ىستەۋگە بولادى. egov.kz پورتالى ارقىلى ەتسق-ڭىز بولسا, كەرەكتى مەملەكەتتىك ورگانعا ءوتىنىشتى جازىپ قانا قويماي, ورىندالۋ مارتەبەسىن باقىلاپ, بەرىلگەن جاۋاپتى دا كورۋگە بولادى», - دەلىنگەن حابارلامادا.
زاڭدى نە جەكە تۇلعالاردىڭ جازعان ءوتىنىشى بويىنشا جاۋاپ 15-30 كۇنتىزبەلىك كۇن (قوسىمشا اقپارات قاجەت بولعان جاعدايدا ۇزارتىلۋى مۇمكىن) ارالىعىندا قارالادى.