قازاقستان رەسپۋبليكاسى ۇكىمەتىنىڭ 2020 جىلعى 4 اقپانداعى قاۋلىسىمەن سۇڭعات قۋات ۇلى ەسىمحانوۆ باسقا جۇمىسقا اۋىسۋىنا بايلانىستى ەنەرگەتيكا ۆيتسە-ءمينيسترى قىزمەتىنەن بوساتىلدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.
سۇڭعات ەسىمحانوۆ 1973 جىلى 30 قاراشادا پاۆلودار وبلىسىندا دۇنيەگە كەلگەن. 1996 جىلى پاۆلودار يندۋستريالدى ينستيتۋتىن, 2007 جىلى قاراعاندىنىڭ «بولاشاق» وزەكتى ءبىلىم بەرۋ ينستيتۋتىن تامامداعان.
ەڭبەك جولىن 1996 جىلى «اليۋميني قازاقستان» اق-نىڭ گيدرومەتاللۋرگيالىق تسەحىندا ينجەنەر بولىپ باستاعان.
2001-2007 جىلدارى استانا, اقتاۋ, قاراعاندى قالالارى بويىنشا تابيعي مونوپوليالاردى رەتتەۋ, باسەكەلەستىكتى قورعاۋ جانە شاعىن بيزنەستى قولداۋ اگەنتتىگىنىڭ قۇرىلىمىندا مامان, ءبولىم باسشىسى, دەپارتامەنت ديرەكتورى قىزمەتتەرىن اتقارعان.
2008-2010 جىلدارى پاۆلودار وبلىسىنىڭ ەنەرگەتيكا جانە كوممۋنالدىق شارۋاشىلىق باسقارماسىن باسقاردى.
2010-2013 جىلدارى — «قازاقەنەرگوساراپتاۋ» اق پرەزيدەنتى بولدى.
2013-2014 جىلدارى — يندۋستريا جانە جاڭا تەحنولوگيالار مينيسترلىگى ەلەكتر ەنەرگەتيكاسى جانە كومىر ونەركاسىبى دەپارتامەنتىنىڭ ديرەكتورى بولىپ جۇمىس ىستەدى.
2014-2018 جىلدارى — ەنەرگەتيكا مينيسترلىگىنىڭ اتومدىق جانە ەنەرگەتيكالىق قاداعالاۋ مەن باقىلاۋ كوميتەتىنىڭ توراعاسى قىزمەتىن اتقاردى.
2018 جىلعى قاراشادان باستاپ قازىرگى تاڭعا دەيىن ەنەرگەتيكا ۆيتسە-ءمينيسترى قىزمەتىن اتقاردى.