نۇر-سۇلتان قالاسىنىڭ اكىمدىگى «جانۇيا» وتباسى ينستيتۋتىن قولداۋ ورتالىعىندا كەزەكتى شاعىن بوس جۇمىس ورىندار جارمەڭكەسى وتكىزىلەدى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.
قالا ازاماتتارىن الەۋمەتتىك قولداۋعا باعىتتالعان شارا 5 اقپان كۇنى ساعات 10.00-13.00 ارالىعىندا جۇمىس ىستەيتىن بولادى.
ءىس-شارانىڭ ماقساتى – جۇمىس ىزدەپ جۇرگەن ازاماتتاردى جۇمىسقا ورنالاستىرۋ مۇمكىندىگىن كەڭەيتۋ, مەملەكەتتىك باعدارلامالاردى جۇرتشىلىققا ناسيحاتتاۋ.
شارا اياسىندا ىزدەنۋشىلەردىڭ جۇمىس بەرۋشى ۇيىم وكىلدەرىمەن كەزدەسىپ, جالاقى دەڭگەيى مەن ۇمىتكەرلەرگە قويىلاتىن تالاپتار تۋرالى اقپارات الۋعا مۇمكىندىگى بار. سونداي-اق جارمەڭكەگە كەلۋشىلەر الدىن الا سۇحباتتاسۋدان ءوتىپ, تۇيىندەمەسىن جۇمىس بەرۋشىلەرگە قالدىرا الادى.
ايتا كەتسەك, الداعى ۋاقىتتا شاعىن جارمەڭكەلەر اپتا سايىن وتكىزىلەتىن بولادى.