قىتايدا كوروناۆيرۋسقا شالدىققانداردىڭ سانى 20 438-گە جەتتى. ءبىر تاۋلىكتىڭ وزىندە 3235 ادام اۋرۋ جۇقتىرعان دەپ تىركەلگەن. بۇل تۋرالى قىتاي بيلىگى حابارلادى.
ۆيرۋس قازىردىڭ وزىندە 425 ادامنىڭ ءومىرىن قيدى. ءبىر كۇن بۇرىن 17205 جاعداي تىركەلىپ جانە ونىڭ 361-ءى قايتىس بولعانى تۋرالى حابارلانعان. وتكەن تاۋلىك ىشىندە تاعى 57 ادام قايتىس بولدى - بۇل ەپيدەميا باستالعاننان بەرگى ەڭ جوعارى كورسەتكىش. قازىرگى تاڭدا ولاردىڭ سانى 64-كە جەتىپتى.
ساراپشىلاردىڭ ايتۋىنشا, جاڭا كوروناۆيرۋس ىندەتىنىڭ شىنايى اۋقىمى الدەقايدا اۋىر بولۋى مۇمكىن.
Lancet مەديتسينالىق جۋرنالىندا جاريالانعان زەرتتەۋ ماتەريالىندا كەلتىرىلگەندەي, ىندەت بۇرىنعىعا قاراعاندا الدەقايدا تەز تارالۋى مۇمكىن.
بۇكىل الەمنىڭ نازارىن اۋدارعان بۇل ۆيرۋستىڭ شىعۋى جانە ونىڭ قازىردىڭ وزىندە كەلتىرگەن شىعىندارى ەسەپتەلىپ جاتىر.
رەسەيدە ۆيرۋستىڭ ءورشۋى نارىقتاعى تۇراقسىزدىققا, ءرۋبلدىڭ السىرەۋىنە جانە قىتايدان ءونىمدى جەتكىزۋگە بايلانىستى ماسەلەلەرگە الىپ كەلدى. بىراق مۇنىڭ ءبارى العاشقى ماسەلەلەر عانا جانە ەل ەكونوميكاسى ءۇشىن زارداپتاردىڭ ناقتى اۋقىمى ەپيدەميانىڭ قانشا ۋاقىتقا سوزىلاتىندىعىنا بايلانىستى بولادى.
قازاقستان ەكونوميكاسى ءۇشىن سونىڭ ىشىندە ۇلتتىق بانكتىڭ الداعى كەزدەگى جۇمىسىنىڭ قالاي ءوربيتىنى جايلى بۇگىنگى الماتىدا وتكەن ءباسپاسوز جيىنىندا ەربولات دوساەۆ ايتتى.
«بۇكىل الەم لوكاليزاتسيانى قالايدى. بۇل ماسەلە تەك قىتايلىق پروبلەما ەمەس ەكەنىن ءبارىمىز تۇسىنەمىز. الەمدىك قاۋىمداستىق, قىتاي ەكونوميكاسىنىڭ دامۋ تۇراقتىلىعىنا وتە مۇددەلى. بۇگىنگى تاڭدا ءبىز ءۇشىن قاجەتتى شەشىمدەر قابىلداۋ ءۇشىن ماسەلەلەرگە مۇقيات باقىلاۋ جۇرگىزۋ قاجەت. كوروناۆيرۋس ماسەلەسى جاھاندىق قۇلدىراۋدى باستايتىن ماڭىزدى تريگگەر ەمەس. مۇنداي جاعدايدا دۇربەلەڭگە ۇشىراماي, كۇتۋىمىز كەرەك دەپ سانايمىن, سودان كەيىن جاعدايدى باعالاعاننان كەيىن ارەكەت ەتەمىز. ءبىز جاعدايدى مۇقيات قاداعالايتىن بولامىز. قىتاي ءبىزدىڭ نەگىزگى ساۋدا سەرىكتەستەرىمىزدىڭ ءبىرى بولعاندىقتان, بۇل ەكسپورت كىرىسىنىڭ ازايۋىنا اسەر ەتۋى مۇمكىن. بۇل فاكتوردىڭ اسەرى قىسقا مەرزىمدى بولادى دەپ سانايمىز» دەپ تۇيىندەدى ول.
سونىمەن قاتار ۇلتتىق بانك باسشىسى الەم ەكىگە بولىنگەنىن اتاپ ءوتتى: بۇل بارىننان بار قۇبىلىستىڭ ساياسي بوياۋى قالىڭداپ كەتتى. ازىرگە كوروناۆيرۋستىق ىندەت جاھاندىق ەكونوميكالىق قۇلدىراۋدىڭ قوزعاۋشىسى بولادى دەگەن پىكىر باسىم. بىراق ۇلتتىق بانك توراعاسىنىڭ پىكىرىنشە, قىتاي ۇكىمەتى قىسقا مەرزىمدە جەڭە الادى, جاعدايدىڭ اسقىنىپ كەتۋىنىڭ الدىن الادى.
ايگەرىم شاياحمەت