ەلوردادا زيالى قاۋىم وكىلدەرى ء«بىز بىرگەمىز» اكتسياسىن قولدادى. بۇل جايىندا نۇر-سۇلتان قالاسىنىڭ اكىمدىگى حابارلادى.
استانالىق جاستار باستاعان ء«بىز بىرگەمىز» اكتسياسىن ودان ءارى جالعاستىرۋ ماقساتىندا زيالى قاۋىم وكىلدەرى مەن مەملەكەتتىك قىزمەتكەرلەر قالامگەرلەر اللەياسىن قاردان تازارتتى.
مەملەكەت باسشىسى قولداعان ء«بىز بىرگەمىز» اكتسياسىنا زيالىلار, مەملەكەتتىك قىزمەتكەرلەردەن قۇرالعان 100-دەن استام ادام قاتىستى. نەسىپبەك ايت ۇلى, عاريفوللا ەسىم, ورازكۇل اسانعازى, مارات ابسەمەتوۆ, امانجول التاەۆ, بەكجان ءابدۋالي ۇلى سىندى عالىمدار, قوعام قايراتكەرلەرى جانە تاعى باسقا ەل زيالىلارى قالامگەرلەر اللەياسىن قالىڭ قاردان تازالاۋ جۇمىستارىنا قاتىستى. سونىمەن قاتار, اكتسياعا تىلدەردى دامىتۋ جانە ارحيۆ ءىسى باسقارماسى جانە وعان قاراستى «مەملەكەتتىك ءارحيۆى» مم, «رۋحانيات» مكم-ءنىڭ ۇجىمدارى دا ۇلەس قوستى.
«پرەزيدەنتتىڭ ء«بىز بىرگەمىز» دەگەن باستاماسى بىزگە, قالا جۇرتشىلىعىنا ۇلكەن سەرپىن تۋدىردى. قازاق قيىشىلىقتا دا, قۋانىشتا دا بىرگە بولعان. تابيعات مىنەز كورسەتپەي تۇرمايدى. سوندىقتان جىگەرلى جىگىتتەرىمىز, جاستار, اعا بۋىن باستاپ, قالامىزدى تازالاۋعا اتسالىسىپ جاتىرمىز», - دەدى بەلگىلى اقىن نەسىپبەك ايت ۇلى.