مەملەكەت باسشىسىنىڭ وكىمىمەن الماس ايدار ۇلى ايداروۆ قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى قىزمەتىنە تاعايىندالدى. بۇل تۋرالى اقوردانىڭ ءباسپاسوز قىزمەتى حابارلادى.
- مەملەكەت باسشىسىنىڭ وكىمىمەن الماس ايدار ۇلى ايداروۆ قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى قىزمەتىنە تاعايىندالدى, - دەلىنگەن حابارلامادا.
الماس ايدار ۇلى 1983 جىلى جامبىل وبلىسىندا دۇنيەگە كەلگەن. 2004 جىلى ءال-فارابي اتىنداعى قازاق ۇلتتىق ۋنيۆەرسيتەتىن, ال 2009 جىلى قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىن ءبىتىردى. ەڭبەك جولىن 2004 جىلى باستاعان.
2004-2006 جىلدارى «اقتاۋ حالىقارالىق تەڭىز ساۋدا پورتى» رمك-دا ءارتۇرلى قىزمەتتەردى اتقاردى. 2006 جىلى قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ كولىك ساياساتى جانە حالىقارالىق ىنتىماقتاستىق دەپارتامەنتىنىڭ جەتەكشى مامانى.
2006-2012 جىلدارى قازاقستان رەسپۋبليكاسى پرەزيدەنتى اپپاراتىنىڭ رەسمي ءىس-شارالار مەن سىرتقى بايلانىستار بولىمىندە ساراپشى, قازاقستان رەسپۋبليكاسى پرەزيدەنتىنىڭ حاتتاماسىندا ساراپشى بولىپ جۇمىس ىستەدى.
2014 جىلدان 2017 جىلعا دەيىن «Kaznex Invest» ەكسپورت جانە ينۆەستيتسيالار ۇلتتىق اگەنتتىگى» اق باسقارما توراعاسىنىڭ ورىنباسارى, «قازاق ينۆەست» ۇلتتىق كومپانياسى» اق باسقارۋشى ديرەكتورى - باسقارما مۇشەسى قىزمەتىن اتقاردى.
2017 جىلدىڭ 28 ماۋسىمىندا قاراعاندى وبلىسى اكىمىنىڭ ونەركاسىپ, شاعىن جانە ورتا بيزنەستى دامىتۋ, سونداي-اق يندۋستريالاندىرۋ جانە ينۆەستيتسيالار جونىندەگى ورىنباسارى بولىپ تاعايىندالدى.
2017 جىلعى 26 شىلدەدەن باستاپ «سارىارقا» الەۋمەتتىك-كاسىپكەرلىك كورپوراتسياسى ديرەكتورلار كەڭەسىنىڭ مۇشەسى بولدى.