بالالىق بال داۋرەنىن تاعدىردىڭ تالكەگىمەن وتكىزىپ كەلە جاتقان دىمكاس بۇلدىرشىندەر قانشاما. ولار قاي كەزدە دە ەرەكشە قامقورلىققا ءزارۋ. تالدىقورعان قالاسىنداعى وبلىستىق ناشار ەستيتىن جانە ساڭىراۋ بالالارعا ارنالعان ارناۋلى مەكتەپ-ينتەرناتتا بۇگىندە 160 ۇل-قىز تاربيەلەنۋدە. مەملەكەت تاراپىنان بۇلدىرشىندەر الاڭسىز قامقورلىققا الىنعانىمەن, ولارعا ءجيى اتباسىن بۇراتىن قايىرىمدى جاندار قاتارى دا جەتكىلىكتى.
جاقسىلىقتىڭ ارتىقتىعى جوق ەكەنى داۋسىز. كەشە “QuestNet Pays Forward” كومپانياسىنىڭ وكىلى بەرنارد ەيچ مايەر شاكىرتتەر اراسىندا بولىپ, قۇنى 20 مىڭ اقش دوللارى تۇراتىن اۆتوبۋستىڭ كىلتىن تاپسىردى. ەندى بالعىنداردىڭ بوس ۋاقىتتارىندا تابيعاتتى تاماشالاپ, كورىكتى جەرلەردى ارالاۋىنا مۇمكىندىكتەرى مول.
كۇمىسجان بايجان, الماتى وبلىسى.