ساۋاتسىز پوليتسيا حاتتامانى قالاي تولتىرادى؟

الايدا سول «اقىلدى» قۇرىل­عىنى يكەمگە كەلتىرە الماي, شاتاسىپ جاتاتىن قۇقىق قورعاۋ سالاسىنىڭ قىزمەتكەرلەرى دە جوق ەمەس. ءتىپتى كوپ بولىپ تۇر. بۇل تۋ­رالى قالالىق اقپاراتتىق-كوم­مۋنيكاتسيا ورتالىعىندا وتكەن بريفينگتە شىم­كەنت قالاسىنىڭ ماماندان­دى­رىلعان اكىمشىلىك سوتىنىڭ توراعاسى ءابدى­مۇتالىپ بەكتۇرعانوۆ جىلىكتەپ ايتىپ بەردى.

مامانداندىرىلعان اكىم­شى­لىك سوت توراعاسىنىڭ ايتۋىن­شا, وتكەن جىلى شىمكەنت قالا­سىنىڭ ما­مانداندىرىلعان اكىم­شىلىك سوتى قۇزىرلى ورگان قىز­مەتكەرلەرى تاراپىنان كەتكەن قاتەلەر ءۇشىن 122 اكىمشىلىك ءىس بويىنشا جەكە قاۋلى شىعارعان. مىنە, سول 122 قاۋلىنىڭ 90 پايى­زى پوليتسيا ينس­پەكتورلارىنا قاتىستى. ويتكەنى شىمكەنتتىك پو­ليتسيا وكىلدەرى ءالى كۇنگە دەيىن حات­تامانى ەلەكتروندى تۇردە دۇرىس تولتىرۋدى بىلمەيتىن كورى­نەدى.

اكىمشىلىك حاتتامانى جازۋ بارىسىندا ءتارتىپ ساقشىلارى اكىم­شىلىك قۇقىق بۇزۋشىلىق تۋرالى زاڭنىڭ باپتارىن جازعانىمەن, ىشكى تارماقتارىن كوبىنە اشىپ جازا بەرمەيدى. وسىلايشا زاڭ تارماقتارىنان شاتاسىپ نەمەسە ادامنىڭ اتى-ءجونىن دۇرىس كورسەتپەيدى ەكەن. ءتىپتى ۋچاسكەلىك ينسپەكتور دا, جول-پاترۋلدىك پوليتسيا قىزمەتكەرى دە ەلەكتروندى حاتتامادا ءوز اتى-ءجونىن زورعا جا­زاتىن كورىنەدى. ءابدىمۇتالىپ ەلىك­باي ۇلىنىڭ سوزىنە سۇيەنسەك, بۇل ولقىلىق قۇقىق بۇزۋشى­لىق­ت­ى زاڭ تۇرعىسىنان دۇرىس باعام­داۋعا كەرى اسەرىن تيگىزىپ, سال­­دارىنان سوت بارىسىندا اكىم­شىلىك ءىستى قايتا سارالاۋعا ءماجبۇر ەتۋدە.

«ىشكى ىستەر ۆيتسە-ءمينيسترى الەكسەي كالايچيديدەن كەلگەن حاتتا مينيسترلىك پەن پوليتسيا دەپارتامەنتتەرى 100 پايىز ەلەكتروندى حاتتاماعا ءوتتى دەلىنگەن ەدى. سوسىن بىزگە پوليتسەيلەردىڭ جۇ­مىستارى ەلەكتروندى تۇردە كەلە باستادى. بايقاعانىمىز, پولي­تسەيلەر حاتتاما تولتىرۋدى بىلمەيدى. فاميلياسى جازىلمايدى, كىمگە تولتىرعانى بەلگىسىز. قانداي اكىمشىلىك بۇزۋ­شىلىق ەكەندىگىن جازباي قويا سالادى. ۋچاس­كەلىك ينcپەكتور دا, جول-پات­­رۋلدىك پوليتسيا ينسپەكتور­لارى دا ءوز اتى-ءجونىن زورعا جا­زادى. سودان ءبىز سەمينار وتكى­زىپ, تۇ­سىندىردىك. پروكۋراتۋرا قىز­مەت­كەرلەرىنە پوليتسەيلەرگە سەمينار وتكىزىپ, حاتتامانى زاڭ­دىق تالاپ بويىنشا تولتىرۋدى ۇيرەتىڭدەر دەدىك. 2 اي ۋاقىت وتسە دە ءالى دە قاتەلىكتەر جى­بە­رىپ جاتىر. سونداي قاتەلىك جى­بەر­گەندەردىڭ ۇستىنەن ءبىز جەكە قاۋ­لىلار شىعارىپ جاتىرمىز», دەيدى ءابدىمۇتالىپ ەلىك­باي ۇلى.

ءبىرىنشى كەزەكتە ەلەكتروندى فورماتتا رەسىمدەلگەن حاتتاما, ونان تۇسكەن ايىپپۇل ەڭ اۋەلى ەل قازىناسىنا قۇيىلارى انىق. ال قىزمەتتەگى سالعىرتتىق, بىلىك­تى­­لىك­تىڭ تومەندىگى سالدارى­نان ىس­­­­تە­لىنگەن جۇمىس, ونان تۇس­كەن قار­­­جىنىڭ جەڭ ۇشىنان جالعا­سىپ, جەكەنىڭ قالتاسىنا كەتپەسىنە كىم كەپىل؟

شىمكەنتتىڭ پوليتسيا قىزمەت­كەر­لەرى ۇستىنەن تۇسكەن ارىز-شا­عىم­داردىڭ قاتارى مۇنىمەن شەك­تەلىپ قالمايدى. جۋىردا سى­بايلاس جەمقورلىققا قارسى ءىس-قيمىل اگەنتتىگى تاراتقان مالى­مەت بويىنشا (قاڭتار ايىندا) شىمكەنت قالاسىندا جول ەرە­جەسىن بۇزعان ازاماتتاردى اكىم­شىلىك جاۋاپكەرشىلىككە تارتپاۋ ءۇشىن 130 مىڭ تەڭگە كولەمىندە پارا العانى ءۇشىن قالالىق پا­ترۋلدىك پوليتسيا قىزمەتىنىڭ پو­ليتسيا لەيتەنانتى كۇدىككە ىلىنگەن.

حالىق پوليتسياعا سەنىم ارتادى. قىلمىستى ۋاقتىلى, ادى­­لەتتى تۇردە اشا الادى دەپ ۇمىت­تەنەدى. الايدا وسى سەنىم مەن ءۇمىت ورىندالماي قالىپ جا­تادى. جالپى, شىمقالادا وت­كەن جىلى اۋىر جانە اسا اۋىر قىل­مىستار قاتارى ارتا تۇسكەن. ماسەلەن, 2018 جىلدىڭ 5 ايىندا 991 وسىنداي قىلمىس تىركەلسە, بىل­تىر 1086-عا كوتەرىلىپتى. ونىڭ ىشىندە كىسى ءولتىرۋ قىلمىسى 54-تەن 65-كە وسكەن. ەسىرتكىگە قا­تىستى قىل­­مىس­تار دا 235-تەن 249-عا كوبەي­گەن.

ال سالالىق مينيسترلىك «تسيفر­­لى قازاقستان» مەملەكەتتىك باع­­دار­لاماسى اياسىندا پوليتسيا قىز­مەتكەرلەرىنىڭ جۇمىسى تولىق­تاي ەلەكتروندى فورماتقا كوشىپ, جۇمىس ونىمدىلىگى ارتتى. ءتۇرلى زاڭ بۇزۋشىلىقتىڭ الدىن الۋ كور­سەتكىشى كوتەرىلدى دەپ وتىر... قانداي دەرەككە سۇيەنىپ ايتقانى تۇسىنىكسىز؟..

شىمكەنت