قوستاناي وبلىسىنىڭ تاران اۋداندىق سوتى نابەرەجنىي اۋىلدىق وكرۋگىنىڭ اكىمىنىڭ ۇستىنەن قىلمىستىق كودەكستىڭ 311-بابى 2-بولىگى بويىنشا قىلمىستىق ءىس قارادى. بۇل تۋرالى «ناشا گازەتا» حابارلادى.
وبلىستىق سوتتىڭ ءباسپاسوز قىزمەتى تاراتقان پاراقشادا اتالمىش اكىمنىڭ ۇستىمىزدەگى جىلعى 19 شىلدە كۇنى قاربىز ساتۋشى ازاماتتان 40 مىڭ تەڭگە كولەمىندە پارا العانى ايتىلعان. جەرگىلىكتى بيلىك باسشىسىنا ساۋداگەر «جەردى يەلەنگەنى» ءۇشىن بەرگەن. سول كۇنى كەشكە ونى قارجى پوليتسەيلەرى رۋدنىي قالاسىندا قولعا تۇسىرگەن.
وسى ىسكە بايلانىستى الدىن الا تىڭداۋ 5 تامىزعا بەلگىلەنىپ وتىر.
قۇرىش نۇرىمبەت.