1941-1945 جىلدارداعى ۇلى وتان سوعىسىنداعى جەڭىس كۇنىنىڭ 65 جىلدىعى قۇرمەتىنە ارنالعان مەرەكەلىك مەدال تۋرالى
1941-1945 جىلدارداعى ۇلى وتان سوعىسىنداعى جەڭىس كۇنىنىڭ 65 جىلدىعى قۇرمەتىنە, سوعىس ارداگەرلەرى مەن تىل ەڭبەككەرلەرىنىڭ ەرلىگىن, قاھارماندىعى مەن قايسارلىعىن تەرەڭ قۇرمەت تۇتا وتىرىپ, قاۋلى ەتەمىن:
1. “1941-1945 ج.ج. ۇلى وتان سوعىسىنداعى جەڭىسكە 65 جىل” مەرەكەلىك مەدالى تاعايىندالسىن.
2. قوسا بەرىلىپ وتىرعان:
1) “1941-1945 ج.ج. ۇلى وتان سوعىسىنداعى جەڭىسكە 65 جىل” مەرەكەلىك مەدالىمەن ناگرادتاۋ ەرەجەسى (بۇدان ءارى – ەرەجە);
2) “1941-1945 ج.ج. ۇلى وتان سوعىسىنداعى جەڭىسكە 65 جىل” مەرەكەلىك مەدالىنىڭ سيپاتتاماسى بەكىتىلسىن.
3. ەرەجەگە سايكەس “1941-1945 ج.ج. ۇلى وتان سوعىسىنداعى جەڭىسكە 65 جىل” مەرەكەلىك مەدالىمەن ۇلى وتان سوعىسىنىڭ ارداگەرلەرى, تىل ەڭبەككەرلەرى جانە وزگە دە ادامدار ناگرادتالسىن.
4. وسى جارلىق جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەزيدەنتى ن.نازارباەۆ.
استانا, اقوردا, 2010 جىلعى ناۋرىزدىڭ 19-ى №951
قازاقستان رەسپۋبليكاسى پرەزيدەنتىنىڭ 2010 جىلعى 19 ناۋرىزداعى №951 جارلىعىمەن بەكىتىلگەن
“1941-1945 ج.ج. ۇلى وتان سوعىسىنداعى جەڭىسكە 65 جىل” مەرەكەلىك مەدالىمەن ناگرادتاۋ ەرەجەسى
1. وسى ەرەجە “1941-1945 ج.ج. ۇلى وتان سوعىسىنداعى جەڭىسكە 65 جىل” مەرەكەلىك مەدالىمەن (بۇدان ءارى – مەرەكەلىك مەدال)ناگرادتاۋ ءتارتىبىن رەتتەيدى.
2. مەرەكەلىك مەدالمەن:
ۇلى وتان سوعىسى كەزەڭىندە, سونداي-اق بۇرىنعى كسر وداعىن قورعاۋ ءجونىندەگى باسقا دا ۇرىس وپەراتسيالارى كەزىندە مايدانداعى ارميالار مەن فلوتتىڭ قۇرامىنا كىرگەن اسكەري بولىمدەردە, شتابتاردا جانە مەكەمەلەردە قىزمەت وتكەرگەن اسكەري قىزمەتشىلەر, ۇلى وتان سوعىسىنىڭ پارتيزاندارى مەن استىرتىن قيمىل جاساۋشىلارى;
ءىس-قيمىل جاساعان ارميالار مەن فلوتتىڭ اسكەري قىزمەتشىلەرى, ۇلى وتان سوعىسىنىڭ پارتيزاندارى مەن استىرتىن قيمىل جاساۋشىلارى, سونداي-اق ۇلى وتان سوعىسى كەزەڭىندە مايداندا, ۇرىس ارەكەتتەرىنىڭ اۋدانىندا, تەمىر جولداردىڭ سوعىس ماڭىنداعى ۋچاسكەلەرىندە, قورعانىس شەپتەرىنىڭ قۇرىلىستارىندا, اسكەري-تەڭىز بازالارى مەن اەرودرومداردا العان جاراقات, كونتۋزيا, مەرتىگۋ نەمەسە سىرقاتتانۋ سالدارىنان مۇگەدەك بولعان ءتيىستى ساناتتاعى جۇمىسشىلار مەن قىزمەتشىلەر جانە زەينەتاقىمەن قامسىزداندىرۋ بويىنشا اسكەري قىزمەتشىلەرگە تەڭەستىرىلگەندەر;
بۇرىنعى كسر وداعىن قورعاۋ كەزىندە العان جاراقات, كونتۋزيا, مەرتىگۋ سالدارىنان نەمەسە مايداندا بولۋىنا بايلانىستى سىرقاتتانۋ سالدارىنان مۇگەدەك بولعان اسكەري قىزمەتشىلەر;
جاراقات, كونتۋزيا, مەرتىگۋ سالدارىنان نە مايداندا بولۋىنا بايلانىستى سىرقاتتانۋ سالدارىنان مۇگەدەك بولعان بۇرىنعى كسر وداعىنىڭ ىشكى ىستەر جانە مەملەكەتتىك قاۋىپسىزدىك ورگاندارىنىڭ باسشى جانە قاتارداعى قۇرامىنىڭ ادامدارى;
1944 جىلعى 1 قاڭتاردان باستاپ 1951 جىلعى 31 جەلتوقسان ارالىعىندا ۋكراينا كسر-ءنىڭ, بەلورۋس كسر-ءىنىڭ, ليتۆا كسر-ءىنىڭ, لاتۆيا كسر-ءىنىڭ, ەستونيا كسر-ءىنىڭ اۋماقتارىندا جويعىش باتالونداردىڭ, ۆزۆودتاردىڭ جانە حالىقتى قورعاۋ جاساقتارىنىڭ كوماندالىق جاۋىنگەرلەرى مەن قۇرامى ىشىنەن وسى باتالونداردا, ۆزۆودتاردا, جاساقتاردا قىزمەتتىك مىندەتتەرىن اتقارۋ كەزىندە العان جاراقات, كونتۋزيا, مەرتىگۋ سالدارىنان مۇگەدەك بولعان ادامدار;
ۇلى وتان سوعىسى كەزەڭىندە مايدانداعى ارميا بولىمدەرىنىڭ اسكەري قىزمەتشىلەرى ءۇشىن بەلگىلەنگەن جەڭىلدىك جاعدايلارىندا زەينەتاقى تاعايىنداۋ ءۇشىن قورعانىسقا قاتىسۋى 1998 جىلعى 1 قاڭتارعا دەيىن ەڭبەك وتىلىنە ەسەپتەلگەن قالالاردا قىزمەت وتكەرگەن بۇرىنعى كسر وداعىنىڭ ىشكى ىستەر جانە مەملەكەتتىك قاۋىپسىزدىك ورگاندارىنىڭ اسكەري قىزمەتشىلەرى, سونداي-اق باسشى جانە قاتارداعى قۇرامىنىڭ ادامدارى;
ۇلى وتان سوعىسى كەزەڭىندە مايدانداعى ارميانىڭ قۇرامىنا كىرگەن اسكەري بولىمدەردە, شتابتاردا, مەكەمەلەردە شتاتتىق لاۋازىمداردى اتقارعان نە ءتيىستى كەزەڭدە مايدانداعى ارميا ءبولىمدەرىنىڭ اسكەري قىزمەتشىلەرى ءۇشىن بەلگىلەنگەن جەڭىلدىك جاعدايلارىندا زەينەتاقى تاعايىنداۋ ءۇشىن قورعانىسقا قاتىسۋى 1998 جىلعى 1 قاڭتارعا دەيىن ەڭبەك وتىلىنە ەسەپتەلگەن قالالاردا بولعان كەڭەس ارمياسىنىڭ, اسكەري-تەڭىز فلوتىنىڭ, بۇرىنعى كسر وداعىنىڭ اسكەرلەرى مەن ىشكى ىستەر جانە مەملەكەتتىك قاۋىپسىزدىك ورگاندارىنىڭ ەرىكتى قۇرامداعى ادامدارى;
ۇلى وتان سوعىسى كەزەڭىندە مايدانداعى ارميانىڭ جانە فلوتتىڭ قۇرامىنا كىرگەن بولىمدەردىڭ, شتابتار مەن مەكەمەلەردىڭ قۇرامىندا پولك بالالارى (تاربيەلەنۋشىلەرى) رەتىندە بولعان جەتكىنشەكتەر مەن يۋنگالار;
ەكىنشى دۇنيەجۇزىلىك سوعىس جىلدارى شەت ەلدەردىڭ اۋماقتارىندا پارتيزاندىق جاساقتاردىڭ, استىرتىن توپتاردىڭ جانە باسقا دا انتيفاشيستىك قۇرالىمداردىڭ قۇرامىندا فاشيستىك گەرمانياعا جانە ونىڭ وداقتاستارىنا قارسى ۇرىس ارەكەتتەرىنە قاتىسقان ادامدار;
قاتىناس جولدارى حالىقتىق كوميسسارياتى, بايلانىس حالىقتىق كوميسسارياتى, كاسىپشىلىك جانە كولىك كەمەلەرىنىڭ جۇزەتىن قۇرامى مەن اۆياتسيانىڭ ۇشۋ-كوتەرۋ قۇرامى, بۇرىنعى كسر وداعىنىڭ بالىق ونەركاسىبىنىڭ حالىقتىق كوميسسارياتى, تەڭىز جانە وزەن فلوتىنىڭ ارنايى قۇرىلىمدارىنىڭ ۇلى وتان سوعىسى كەزەڭىندە ءاسكەري قىزمەتشىلەر جاعدايىنا اۋىستىرىلعان جانە ۇرىستاعى مايدانداردىڭ, فلوتتاردىڭ جەدەل ايماقتارىنىڭ تىلدىق شەكارالارى شەگىندە مايدانداعى ارميا مەن فلوتتىڭ مۇددەسىندەگى تاپسىرمالاردى ورىنداعان جۇمىسشىلارى, سونداي-اق ۇلى وتان سوعىسىنىڭ باسىندا باسقا مەملەكەتتىڭ پورتتارىندا تۇرعان كولىك فلوتى كەمەلەرىنىڭ تۇتقىندالعان ەكيپاجدارىنىڭ مۇشەلەرى;
قۇرساۋ كەزەڭىندە لەنينگراد قالاسىندا قالانىڭ كاسىپورىندارىندا, مەكەمەلەرى مەن ۇيىمدارىندا جۇمىس ىستەگەن جانە “لەنينگرادتى قورعاعانى ءۇشىن” مەدالىمەن جانە “قۇرساۋداعى لەنينگراد تۇرعىنىنا” بەلگىسىمەن ناگرادتالعان ازاماتتار;
كونتسلاگەرلەردىڭ, گەتتولاردىڭ جانە ەكىنشى دۇنيەجۇزىلىك سوعىس كەزەڭىندە فاشيستەر مەن ولاردىڭ وداقتاستارى قۇرعان باسقا دا ەرىكسىز ۇستاۋ ورىندارىنىڭ بۇرىنعى كامەلەتكە تولماعان تۇتقىندارى;
ۋاقىتشا دۇشپان باسىپ العان اۋماقتاردا جۇمىس ىستەگەن كەزەڭدى قوسپاعاندا, 1941 جىلعى 22 ماۋسىمنان 1945 جىلعى 9 مامىردى قوسا العان كەزەڭدە كەمىندە التى اي جۇمىس ىستەگەن ادامدار ناگرادتالادى.
3. مەرەكەلىك مەدالمەن ناگرادتالاتىن ازاماتتاردىڭ ءتىزىمىن جاساۋ جانە بەكىتۋ مىناداي تارتىپپەن جۇرگىزىلەدى:
تىزىمدەر وسى ەرەجەنىڭ 1-قوسىمشاسىنا سايكەس №1 نىسان بويىنشا وسى ەرەجەنىڭ 1-تارماعىندا كورسەتىلگەن ادامداردىڭ ىشىنەن ازاماتتارعا;
قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ, ىشكى ىستەر مينيسترلىگىنىڭ, قورعانىس مينيسترلىگىنىڭ, رەسپۋبليكالىق ۇلانىنىڭ, پرەزيدەنتتىڭ كۇزەت قىزمەتىنىڭ ورتالىق اپپاراتتارى وسى ورگانداردا ەسەپتە تۇرعان ادامدارعا;
جەرگىلىكتى اتقارۋشى ورگاندار – تۇرعىلىقتى جەرى بويىنشا.
تىزىمدەردى جاساۋعا جاۋاپتى لاۋازىمدى ادامدار ولارعا قول قويادى جانە ورتالىق مەملەكەتتىك جانە جەرگىلىكتى اتقارۋشى ورگانداردىڭ باسشىلارى بەكىتەدى.
تىزىمدەردىڭ دۇرىس جاسالۋى ءۇشىن جاۋاپتىلىق ورگانداردىڭ باسشىلارىنا جۇكتەلەدى.
4. “1941-1945 ج.ج. ۇلى وتان سوعىسىنداعى جەڭىسكە 65 جىل” مەرەكەلىك مەدالىن تاپسىرۋ قازاقستان رەسپۋبليكاسى پرەزيدەنتىنىڭ اتىنان جانە تاپسىرماسى بويىنشا جۇرگىزىلەدى. مەدال ناگرادتالۋشىنىڭ تىزىمگە ەنگىزىلگەن جەرى بويىنشا تاپسىرىلادى.
ناگرادتالعان ادامعا مەدالمەن قوسا بەلگىلەنگەن ۇلگىدەگى كۋالىك تابىس ەتىلەدى.
5. “1941-1945 ج.ج. ۇلى وتان سوعىسىنداعى جەڭىسكە 65 جىل” مەرەكەلىك مەدالى سول جاق ومىراۋعا تاعىلادى جانە “1941-1945 ج.ج. ۇلى وتان سوعىسىنداعى جەڭىسكە 60 جىل” مەرەكەلىك مەدالىنەن كەيىن ورنالاسادى.
6. مەرەكەلىك مەدالدىڭ تابىس ەتىلگەندىگى تۋرالى ناگرادتاۋ تىزىمىنە ءتيىستى جازبا جازىلادى.
تابىس ەتىلمەگەن مەدالدار مەن ولاردىڭ كۋالىكتەرى قايتارىلۋ سەبەپتەرى كورسەتىلە وتىرىپ, قازاقستان رەسپۋبليكاسى پرەزيدەنتى ءىس باسقارماسىنىڭ وردەندەر قويماسىنا قايتارىلادى, بۇل تۋرالى تىزىمدەرگە ءتيىستى بەلگى قويىلادى.
مەرەكەلىك مەدالدىڭ تابىس ەتىلگەندىگى تۋرالى مالىمەتتەردى وسى ەرەجەنىڭ 2-قوسىمشاسىنا سايكەس №2 نىسان بويىنشا ورتالىق مەملەكەتتىك جانە جەرگىلىكتى اتقارۋشى ورگاندار 2010 جىلعى 1 شىلدەگە قازاقستان رەسپۋبليكاسى پرەزيدەنتىنىڭ ءىس باسقارماسىنا ۇسىنادى.
قازاقستان رەسپۋبليكاسى پرەزيدەنتىنىڭ 2010 جىلعى 19 ناۋرىزداعى №951 جارلىعىمەن بەكىتىلگەن
“1941-1945 ج.ج. ۇلى وتان سوعىسىنداعى جەڭىسكە 65 جىل” مەرەكەلىك مەدالىنىڭ سيپاتتاماسى
“1941-1945 ج.ج. ۇلى وتان سوعىسىنداعى جەڭىسكە 65 جىل” مەرەكەلىك مەدالى جەزدەن دايىندالادى, ديامەترى 32 مم. شەڭبەر نىسانىندا بولادى. مەدالدىڭ بەت جاعىندا ءى دارەجەلى داڭق وردەنىنىڭ بەينەسى, جۇلدىزدىڭ تومەنگى ساۋلەلەرىنىڭ اراسىندا “1945-2010” تسيفرلارى ورنالاسقان.
مەدالدىڭ سىرت جاعىندا, ورتادا “1941-1945 ج.ج. ۇلى وتان سوعىسىنداعى جەڭىسكە 65 جىل” دەگەن جازۋ بار.
مەدالدىڭ شەتتەرى ەرنەۋمەن جيەكتەلگەن. مەدالداعى بارلىق بەينەلەر, جازۋلار مەن تسيفرلار بەدەرلى.
مەدال قۇلاقشا مەن شىعىرشىق ارقىلى قىزىل ءتۇستى قاتقىل جىبەك لەنتامەن تىستالعان بەس بۇرىشتى تاعانعا جالعانادى.
لەنتانىڭ ەنى 24 مم. لەنتانىڭ ورتاسىندا بەس جولاق بار: ءۇش قارا جانە ەكى قىزعىلت سارى ءتۇستى, ارقايسىسىنىڭ ەنى 2 مم. شەتكى قارا جولاقتارى ەنى مم. قىزعىلت سارى جولاقتارمەن جيەكتەلگەن.
مەدال كيىمگە تۇيرەۋىش ارقىلى بەكىتىلەدى.