شىمكەنت قالاسى اباي اۋدانىنىڭ اكىمى ع.تولەپوۆ 2019 جىلدىڭ قورىتىندىسى بويىنشا حالىققا ەسەپ بەردى. كەزدەسۋ اقجار تۇرعىن الابىنداعى №122 مەكتەپتە ءوتتى.
اكىم ءوز بايانداماسىندا وتكەن جىلى شەشىلگەن جانە شەشۋىن كۇتەتىن ماڭىزدى ماسەلەلەردى شولدى. ولاردىڭ ىشىندە تابيعي گاز, اۋىزسۋ جانە جارىقتاندىرۋ, سونداي-اق مەكتەپ عيماراتى سياقتى قوردالانعان ماسەلەلەر كوپتىڭ تالقىسىنا ءتۇستى.
– اۋدان اۋماعى بويىنشا 22 ەلدىمەكەن اۋىزسۋمەن قامتىلسا, ال 12 ەلدىمەكەن قۇدىق جانە تاسىمال سۋ پايدالانادى. 2019 جىلدىڭ سوڭىندا اۋدان اۋماعى بويىنشا 24 ەلدىمەكەن (78,5%), تولىق اۋىز سۋمەن قامتىلدى», - دەدى عالىمجان ءانۋار ۇلى.
اكىم اۋدان اۋماعىنداعى 24 ەلدىمەكەن (67,1%) مەملەكەتتىك ەلەكتر جارىعىمەن, 25 ەلدىمەكەن (82,2%) تابيعي گاز جۇيەسىمەن قامتىلعانىن دا تىلگە تيەك ەتتى.
بيىلعى ەسەپتىك كەزدەسۋلەردىڭ ءبىر ەرەكشەلىگى سول, اكىمنىڭ بايانداماسىنان كەيىن ەشقانداي ءجارىسسوز بولمادى. بىردەن سۇراق-جاۋاپقا ءوتتى. قازىعۇرت شاعىناۋدانىنىڭ ارداگەرلەر كەڭەسىنىڭ توراعاسى ساتىبالدى ادىلبەك ۇلى قۇرساي ەلدىمەكەنىندەگى 900 ورىندى №49 مەكتەپتە 3000-نان اسا وقۋشى 4 اۋىسىممەن ءبىلىم الىپ جاتقانىن جەتكىزدى. بۇدان بولەك, تۇرعىندار 700 مىڭ حالىق سانى بار ەلدىمەكەنگە زاماناۋي جاڭا ەمحانانىڭ, ۋچاسكەلىك پوليتسيا پۋنكتىنىڭ قاجەتتىگىن العا تارتتى.
اۋدان اكىمى بارلىق ماسەلەلەردى مۇقيات تىڭداپ, شەشىمىن تابۋىنا تىكەلەي اتسالىساتىنىن ايتتى. بيىل قازىعۇرت شاعىناۋدانىندا جاڭادان حالىققا قىزمەت كورسەتۋ ورتالىعىنىڭ اشىلاتىنىن دا سۇيىنشىلەي كەتتى.