16 قاڭتاردان باستاپ تەمىرجول ارقىلى وتەتىن كوپىردىڭ تىرەك بولىگىنە كۇردەلى جوندەۋ جۇمىستارىن جۇرگىزۋگە بايلانىستى بوگەنباي باتىر داڭعىلى بويىمەن ش.ءۋاليحانوۆ كوشەسىنەن اقجول كوشەسىنە دەيىن كولىكتىڭ بارلىق تۇرلەرىنە قوزعالىس شەكتەلەدى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.
نۇر-سۇلتان قالاسىنىڭ كولىك جانە جول-كولىك ينفراقۇرىلىمىن دامىتۋ باسقارماسى تەمىرجول ارقىلى وتەتىن كوپىردىڭ تىرەك بولىگىنە كۇردەلى جوندەۋ جۇمىستارىن جۇرگىزۋدى جوسپارلاۋدا. وسىعان بايلانىستى, 16 قاڭتاردان باستاپ بوگەنباي باتىر داڭعىلى بويىمەن ش.ءۋاليحانوۆ كوشەسىنەن اقجول كوشەسىنە دەيىن كولىكتىڭ بارلىق تۇرلەرىنە قوزعالىس شەكتەلەدى.
قوزعالىس شەكتەۋلەرىنە بايلانىستى جول جولاقتارىنىڭ سانى ءار باعىتتا 4-تەن 2-گە دەيىن ازايادى. اتالعان ۋچاسكەدەگى جۇكتەمەنى ازايتۋ ءۇشىن اۆتوبۋس مارشرۋتتارىن قوسپاعاندا, كوپىردەن سولعا ش.ءۋاليحانوۆ كوشەسىنە بۇرىلۋعا ۋاقىتشا تىيىم سالۋ جوسپارلانعان.
سونداي-اق, شامادان تىس جۇكتەمەنى الدىن الۋ ءۇشىن جاقىن ماڭداعى قيىلىستاردا جاناما شارالار وتكىزىلەدى. ەلوردا تۇرعىندارى مەن قوناقتارى قالا جولدارىندا كەپتەلىستەردى بولدىرماس ءۇشىن مارشرۋتتارىن الدىن-الا جوسپارلاۋ قاجەتتىگى ەسكەرتىلەدى.