الماتى اكىمدىگى جەكە جەر تەلىمدەرىن نارىق باعاسى بويىنشا ساتىپ الادى

ارداق سامامبەتوۆ قالانىڭ ينفراقۇرىلىمىن ودان ءارى دامىتۋ ماقساتىندا مەملەكەتتىك قاجەتتىلىك ءۇشىن جەر تەلىمدەرىن قايتارۋ تەتىگىنىڭ ەنگىزىلەتىنىن ايتتى. جالپى, الماتى قالاسىندا بۇگىنگى كۇنگە دەيىن جەردىڭ 95%-ى جەكە مەنشىكتىڭ قولىندا.

ايتا كەتەرلىگى, مەملەكەتتىك قاجەتتىلىككە قايتارىلاتىن جەر تەلىمدەرىنە قاتىستى وقيعالار تىزبەلەرى قازاقستان رەسپۋبليكاسىنىڭ جەر كودەكسىندە جانە قازاقستان رەسپۋبليكاسىنىڭ «مەملەكەتتىك م ۇلىك تۋرالى» زاڭىندا بەكىتىلگەن. اتالعان زاڭنامالىق اكتىلەردە جەر تەلىمدەرىن نەمەسە باسقا دا م ۇلىكتەردى قايتارۋعا ماجبۇرلەۋ نەمەسە توقتاتۋ وقيعالارى, قاعيداتتارى جان-جاقتى تۇسىندىرىلگەن. وسىعان وراي, «الماتى قالاسىنىڭ ەرەكشە مارتەبەسى تۋرالى» زاڭعا ەنگىزىلگەن وزگەرىستەر مەن تولىقتىرۋلار ءاربىر ءىستى ناقتىلايدى ءارى قازاقستان زاڭناماسىنا ساي قابىلدانعان.

ا. سامامبەتوۆ ايتىپ وتكەندەي, جەر تەلىمدەرىن قايتارۋ كولىك, ەنەرگەتيكالىق ينفراقۇرىلىمدارىن سالۋعا جانە باسقا ماسەلەلەرگە قاتىستى بولۋى مۇمكىن. مىسالى, قازىرگى كەزدە كولىك ينفراقۇرىلىمىن, الەۋمەتتىك جانە ەنەرگەتيكالىق نىسانداردى سالۋدى دامىتۋ بويىنشا 21 جوبا جۇمىس ۇستىندە.

ولاردىڭ اراسىندا سەيفۋللين داڭعىلى-جانسۇگىروۆ كوشەسى, رىسقۇلوۆ داڭعىلى-ەمتسوۆ كوشەسى بويىنداعى بىرقاتار ءىرى جولايرىقتارى, اباي داڭعىلىن ۇڭگىلەۋ بار. بۇل ءتىزىم تولىعاتىن بولادى.

ايتا كەتەرلىگى, ارداق سامامبەتوۆ جەر تەلىمدەرىنە وتەماقى نارىقتىق باعا بويىنشا جۇزەگە اساتىنىن قاداپ تۇرىپ ايتتى.

«وتەماقىعا كەلەر بولساق, جەر تەلىمدەرىنىڭ اقىسى كاداسترلىق باعا نەمەسە نارىق باعاسىنان تومەن كەلىسىم بويىنشا ەسەپتەلگەندە بىزدە پروبلەما بولدى. الماتى اكىمدىگىنىڭ باستاماسى بويىنشا اتالعان زاڭعا وتكەن جىلدىڭ باسىنان باستاپ وزگەرىستەر ەنگىزىلدى. ءبىز مەملەكەتتىك قاجەتتىلىك ءۇشىن قايتارىپ الىناتىن م ۇلىككە وتەماقىنى تەك نارىقتىق باعا بويىنشا تولەيمىز. سوندىقتان قازىرگى كەزدە بىزدە وتەماقىعا قاتىستى پروبلەما جوق», - دەدى ا. سامامبەتوۆ.