نۇر-سۇلتان قالاسىنىڭ تۇرعىندارى ەلەكتروندىق تسيفرلىق قولتاڭبانى IQala قالالىق قىزمەتتەر كورسەتۋ ورتالىعىندا الۋعا مۇمكىندىگى بار. بۇل تۋرالى ەلوردا اكىمىنىڭ ورىنباسارى ماليكا بەكتۇروۆا ءوزىنىڭ Telegram ارناسىندا ءمالىم ەتتى.
«ەندى اۋدان تۇرعىندارىنا ەلەكتروندىق تسيفرلىق قولتاڭبا الۋ ءۇشىن حقكو-نا بارۋ مىندەتتى ەمەس. بۇل قىزمەت IQala-دا جەكە تۇلعالار ءۇشىن قولجەتىمدى. بۇل جاقىن دەگەن حالىققا قىزمەت كورسەتۋ ورتالىعىنا دەيىن ايتارلىقتاي الشاقتىقتى ەسكەرسەك, وتە ىڭعايلى», دەپ جازدى ماليكا بەكتۇروۆا.
جالپى IQala ورتالىعىندا تۇرعىندارعا 119 قىزمەت ءتۇرى كورسەتىلەدى, ونىڭ ىشىندە 65% تسيفرلىق فورماتتا جۇرگىزىلۋدە. ماسەلەن, قالا تۇرعىندارى «استانا سۋ ارناسى», «استانا-بەو», «ارەك» جانە ت.ب. شارت جاساسا الادى.
ورتالىق اشىلعان ساتىنەن باستاپ 3.8 مىڭ وپەراتسيالار كورسەتىلگەن. اتالعان قىزمەتتەردى ەلوردالىقتار www.iqala.kz پورتالىندا ونلاين رەجيمدە نەمەسە ر. قوشكارباەۆ كوشەسى, 29 مەكەنجايىنداعى كەڭسەدەن الۋ مۇمكىندىكتەرى بار.