پارلامەنت سەناتىنىڭ دەپۋتاتتارى نۇرجان نۇرسيپاتوۆ پەن ماناپ كوبەنوۆ پاۆلودار وبلىسىنا جۇمىس ساپارى بارىسىندا جاڭا ونكولوگيالىق ورتالىقتا بولىپ, ايماقتاعى مەديتسينالىق مەكەمەلەردىڭ باس دارىگەرلەرىمەن جينالىس وتكىزدى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.
وبلىستىق دەنساۋلىق ساقتاۋ باسقارماسى باسشىسىنىڭ مىندەتىن اتقارۋشى ارداق كۇزەكوۆتىڭ ايتۋىنشا, ونكولوگيالىق ديسپانسەردىڭ بازاسىندا وبلىستاعى مەديتسينالىق ءتۋريزمنىڭ نەگىزى بولاتىن كلاستەر قۇرۋ جوسپارلانىپ وتىر.
جاڭا ونكولوگيالىق ورتالىقتىڭ جابدىقتالۋى مەن تەحنيكالىق مۇمكىندىگىن ەسكەرگەندە وندا ونكولوگيا سالاسى بويىنشا عانا ەمەس, باسقا دا سالالار بويىنشا ناۋقاستارعا دياگنوز جۇرگىزىپ, ەمدەي الاتىنى بەلگىلى بولدى.
كەزدەسۋ اياسىندا دەنساۋلىق ساقتاۋ سالاسىنداعى نەگىزگى ماسەلەلەر كوتەرىلدى.
پاۆلودار وبلىسىنىڭ دارىگەرلەر قاۋىمى 2020-2025 جىلعا ارنالعان مەملەكەتتىك دەنساۋلىق ساقتاۋ باعدارلاماسىمەن تانىسىپ, وعان جوعارى باعا بەردى. بۇل باعدارلاما ەلىمىزدىڭ ءاربىر تۇرعىنىن ساپالى ءارى قولجەتىمدى دەنساۋلىق ساقتاۋ شارالارىمەن قامتاماسىز ەتۋدى كوزدەيدى.
بارلىق پروبلەمالىق ماسەلەلەر سەناتورلاردىڭ جەكە باقىلاۋىنا الىندى.