پارلامەنت سەناتىنىڭ دەپۋتاتتارى نۇرتورە ءجۇسىپ پەن دينار نوكەتاەۆا الماتى قالاسى اۆتوبۋس پاركتەرىنىڭ باسشىلارىمەن كەزدەستى. شاراعا قالالىق ءماسليحات دەپۋتاتتارى مەن جەرگىلىكتى اتقارۋشى ورگانداردىڭ باسشىلارى قاتىستى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.
پارلامەنتشىلەر قالالىق جولاۋشىلار كولىگى جۇرگىزۋشىلەرىن دايارلاۋ, قوعامدىق كولىكتى پايدالانۋ بارىسىنداعى حالىقتىڭ مادەنيەتىن ارتتىرۋ, قالا جولدارىندا اپاتتىڭ بولۋى سەبەپتەرى تۋرالى ويلارىن ورتاعا سالدى.
د.نوكەتاەۆا كولىك ماماندارىنىڭ بىلىكتىلىگىن ارتتىرۋ ورتالىعىنىڭ اۆتوبۋس جۇرگىزۋشىلەرىن قايتا دايارلاۋ مەن كاسىبي شەبەرلىكتەرىن ارتتىرۋعا باعىتتالعان جۇمىستاردىڭ ماڭىزى زور ەكەنىن اتاپ ءوتتى. اۆتوبۋس پاركتەرىنىڭ باسشىلارى وقۋدان كەيىن جۇرگىزۋشىلەردىڭ جۇمىس ساپاسى جاقسارعانىن, ماماندىقتىڭ ماڭىزى ارتا تۇسكەنىن جانە جولاۋشىلار تاسىمالىنا جاۋاپكەرشىلىك ۇلعايعانىن ايتتى.
سەناتور ن.ءجۇسىپ ورتالىق قىزمەتكەرلەرىن الەۋمەتتىك ساقتاندىرۋ بويىنشا قابىلدانعان زاڭدارمەن تانىستىردى. دەپۋتاتتىڭ ايتۋىنشا, حالىقتى الەۋمەتتىك قورعاۋدىڭ قوسىمشا ءتۇرى رەتىندە مىندەتتى الەۋمەتتىك ساقتاندىرۋ جۇيەسى جانە الەۋمەتتىك تاۋەكەلگە باس تىگىپ جۇمىس ىستەيتىن ازاماتتاردى قامتاماسىز ەتۋ ءۇشىن مەملەكەت قابىلدايتىن شارالار جۇيەسى ەنگىزىلدى. مىندەتتى الەۋمەتتىك مەديتسينالىق ساقتاندىرۋدىڭ نەگىزگى پرينتسيپتەرى ءتۇسىندىرىلدى.
الماتىدا 2020 جىلدىڭ سوڭىنا دەيىن 100-گە جۋىق ەلەكتروبۋستاردى ىسكە قوسۋ جوسپارلانۋدا.