سەنات دەپۋتاتتارى راشيت اكىموۆ پەن داۋرەن ادىلبەكوۆ اقمولا وبلىسىنا جۇمىس ساپارى اياسىندا قورعالجىن اۋدانىندا بولدى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.
ءماسليحات دەپۋتاتتارىمەن كەزدەسۋدە 2019 جىلعى پارلامەنت جۇمىسىنىڭ قورىتىندىلارى تۋرالى حاباردار ەتتى جانە اۋىل تۇرعىندارىنىڭ ومىرىنە اسەر ەتەتىن الەۋمەتتىك سالا جاڭالىقتارىن تالقىلادى.
دەپۋتاتتار سونداي-اق اۋداندىق اۋرۋحانا, اگروتەحنيكالىق كوللەدج جانە «باقارا» ەت كومبيناتى ۇجىمدارىمەن كەزدەسۋلەر وتكىزدى.
كەزدەسۋدە مەديتسينالىق قىزمەتكەرلەر مىندەتتى الەۋمەتتىك مەديتسينالىق ساقتاندىرۋدى جۇزەگە اسىرۋ جانە حالىققا دارىگەرلىك قىزمەت كورسەتۋدەگى پروبلەمالىق ماسەلەلەردى, اتاپ ايتقاندا, اۋدان اۋماعىندا تۇراتىن, بىراق ەلوردادا تىركەلگەن تۇرعىندار سانى تۋرالى, مەديتسينالىق مەكەمەنى قارجىلاندىرۋ تۋرالى, سونداي-اق جۇمىس ىستەمەي تۇرعانى اۋداندىق اۋرۋحانانىڭ ءليفتى جانە ونى جوندەۋ ءۇشىن بيۋدجەتتەن قوماقتى قارجى ءبولۋ قاجەتتىگى تۋرالى ماسەلەلەردى كوتەردى.