مەدەۋ اۋداندىق اكىمدىگىنىڭ وكىلدەرى پيلوتتىق رەجيمدەگى تۇلعانىڭ كىم ەكەنىن انىقتايتىن كامەرالاردىڭ قايدا ورناتىلاتىنىن مالىمدەدى. بۇل تۋرالى اكىمدىكتىڭ ءباسپاسوز قىزمەتى حابارلاعان بولاتىن.
ماماندار مەدەۋ اۋدانىنداعى ميكروۋچاسكەلەردىڭ بىرىندە قۇقىقبۇزۋشىلىقتاردى ازايتۋعا جانە قىلمىستىڭ بەتىن اشۋعا مۇمكىندىك بەرەتىن زاماناۋي جۇيەنى ىسكە قوسۋدى جوسپارلاپ وتىر.
«نەگىزىندە «اقىلدى كامەرالار» پيلوتتىق جوبا اياسىندا تەك كوك بازار اۋماعىندا ورناتىلادى. وتاندىق ويلاپتاپقىشتاردىڭ ءونىمى تۇلعانىڭ كىم ەكەنىن جانە ءنومىردى انىقتاۋعا, ادامنىڭ نە كولىكتىڭ ەرەجە بۇزۋ دەرەكتەرىن اشكەرەلەۋگە جانە جوعالعان زاتتاردى تابۋعا مۇمكىندىك بەرەدى. بۇل جان-جاقتى تالقىلاۋدان وتەتىن جوبالاردىڭ ءبىرى عانا. باعدارلامانىڭ نەگىزگى ماقساتى – ادامدار كوپ جينالاتىن جەرلەردە قاۋىپسىزدىكتى قامتاماسىز ەتۋ», دەلىنگەن اۋدان اكىمدىگىنىڭ حابارلاماسىندا.