ەلىمىزدە بيىلعى جىلدىڭ 11 قاڭتارىنان باستاپ كولىك قۇرالدارىن ماس كۇيىندە باسقارۋعا بايلانىستى جاۋاپكەرشىلىكتىڭ كۇيشەتىلگەنى جونىندەگى زاڭ كۇشىنە ەندى. وسى ورايدا, قاراعاندى قالاسىندا زاڭنىڭ اتالعان تالابىن بۇزعان العاشقى جۇرگىزۋشى انىقتالدى.
وبلىستىق پوليتسيا دەپارتامەنتىنىڭ ءباسپاسوز قىزمەتى حابارلاعانداي, قاراعاندى قالاسىندا 11 قاڭتار كۇنى ءتارتىپ ساقشىلارى اۋزىنان اراقتىڭ ءيىسى شىققان 37 جاستاعى جۇرگىزۋشىنى ۇستاعان.
بەلگىلى بولعانداي, بۇل جۇرگىزۋشى 2018 جىلى كولىك باسقارۋ قۇقىعىنان ايىرىلعان ەكەن. بىراق, سوعان قاراماستان, ول ماس كۇيىندە كولىك تىزگىنىن قولعا العان.
قازىرگى ۋاقىتتا جۇرگىزۋشى ۋاقىتشا ۇستاۋ يزولياتورىنا قامالدى, سوتتىڭ سانكتسياسىمەن وعان قارسى قوعامنان وقشاۋلاۋ تۋرالى بۇلتارتپاۋ شاراسى قولدانىلدى. ەندى ول ءومىر بويى كولىك باسقارۋ قۇقىعىنان جانە بەس جىلعا باس بوستاندىعىنان ايىرىلۋى مۇمكىن.