دەنساۋلىق ساقتاۋ مينيسترلىگىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى مەديتسينالىق قىزمەتتى جۇزەگە اسىرۋدىڭ زاڭدىلىعى تۋرالى ەسكەرتتى.
بارلىق قاجەتتى قۇجاتى بار زاڭدى قىزمەتتى جۇزەگە اسىراتىنىنا كوز جەتكىزگەننەن كەيىن كلينيكاعا جۇگىنۋگە كەڭەس بەرەمىز. ءسىز مەنشىك نىسانىنا, ۆەدومستۆولىق باعىنىستىلىعىنا قاراماستان قانداي دا ءبىر دارىگەرگە جۇگىنبەس بۇرىن قىزمەتتىڭ وسى تۇرىنە ليتسەنزيانىڭ جانە دارىگەردىڭ (ورتا مەديتسينالىق پەرسونالدىڭ) سەرتيفيكاتىنىڭ بار-جوعىن سۇراڭىز.
مەديتسينالىق قىزمەتتى دەنساۋلىق ساقتاۋ ۇيىمدارى مەنشىك نىسانىنا قاراماستان, ءتيىستى ليتسەنزياسى (ليتسەنزياعا قوسىمشاسى) بولعان جاعدايدا زاڭدى نەگىزدەردە كورسەتۋلەرى ءتيىس. دەنساۋلىق ساقتاۋ ۇيىمدارىندا ليتسەنزيانىڭ بولۋى ۇيىمنىڭ دەنساۋلىق ساقتاۋ سالاسىنداعى نورمالارعا, ونىڭ ىشىندە سانيتارلىق تالاپتارعا سايكەستىگىن كۋالاندىرادى.
مەديتسينالىق قىزمەت كىشى تۇرلەر (امبۋلاتورلىق/ستاتسيونارلىق/ستاتسيوناردى الماستىراتىن, دياگنوستيكا), جاس توپتارى (ەرەسەكتەر/بالالار) جانە ماماندىقتار (حيرۋرگيا, ستوماتولوگيا جانە ت.ب.) بولىنىسىندە ليتسەنزيالانادى.
دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 23 قاڭتارداعى №27 بۇيرىعىمەن مەديتسينالىق قىزمەتتىڭ ليتسەنزيالاناتىن تۇرلەرىنە بىلىكتىلىك تالاپتارى بەكىتىلدى. بارلىق دەنساۋلىق ساقتاۋ سۋبەكتىلەرى بىلىكتىلىك تالاپتارعا ساي بولۋى ءتيىس.
پاتسيەنتتەر ءۇشىن كلينيكانى تاڭداۋ كريتەريلەرىنىڭ ءبىرى دەنساۋلىق ساقتاۋ سالاسىنداعى قولدانىستاعى ليتسەنزيانىڭ جانە باسقا دا رۇقسات قۇجاتتارىنىڭ بولۋى, مىسالى, ەمدەۋشى دارىگەردىڭ نەمەسە مەيىربيكەنىڭ سەرتيفيكاتى بولۋى ءتيىس. پاتسيەنت كلينيكانىڭ دەنساۋلىق ساقتاۋ سالاسىنداعى زاڭناما نورمالارىنا سايكەس ەكەندىگىنە كوز جەتكىزىپ, ساپالى ەمدەلۋگە سەنە الادى. زاڭنامانىڭ بارلىق تالاپتارىن ادال ورىندايتىن ۇيىم – ساپالى مەديتسينالىق قىزمەتتەردى الۋدىڭ كەپىلى.
سونىمەن بىرگە ليتسەنزيامەن قاتار, مەديتسينالىق قىزمەتكەرلەردىڭ 5 جىل مەرزىمگە بەرىلەتىن مامان سەرتيفيكاتىنىڭ بولۋى قاجەت. مەديتسينالىق قىزمەتكەرلەر, ياعني دارىگەرلەر دە, ورتا مەديتسينالىق قىزمەتكەرلەر دە ءار بەس جىل سايىن ءوز بىلىكتىلىكتەرىن ارتتىرىپ, مەديتسيناداعى جاڭا تەحنولوگيالاردى مەڭگەرۋلەرى ءتيىس. ال ليتسەنزيالاۋ مەن سەرتيفيكاتتاۋ نورمالارى بۇزىلعان جاعدايدا زاڭنامادا اكىمشىلىك ىقپال ەتۋ جانە تيىسىنشە ايىپپۇل جانە ليتسەنزيانىڭ قولدانىلۋىن توقتاتۋ تۇرىندە ءوندىرىپ الۋ شارالارى كوزدەلگەن. زاڭسىز مەديتسينالىق قىزمەت ءۇشىن دارىگەرمەن قاتار ۇيىم باسشىسى جاۋاپتى بولادى.