ن.ءا.نازارباەۆتىڭ بيىلعى قازاقستان حالقىنا جولداۋىندا العا قويىلعان مىندەتتەردى ىسكە اسىرۋدا, اسىرەسە, ءبىلىم سالاسىندا جۇرگىزىلگەن رەفورمالار بويىنشا قالىپتاسقان ءبىرتۇتاس ۇستانىم بولۋعا ءتيىس. جاھاندانۋ جاعدايىندا ءبىلىم بەرۋ سالاسىنا جاڭا تەحنولوگيالاردىڭ ەڭگىزىلۋىن تالداۋ ارقىلى ءتۇيىندى ماسەلەلەردىڭ شەشىمىن تابۋعا قارىمدى قادامدار جاسالاتىنىنا سەنىم مول.
وزدەرىڭىزگە بەلگىلى, بۇگىنگى تاڭدا قازاقستان قوعامدى جەتىلدىرۋگە جانە ەكونوميكالىق قاجەتتىلىكتەرىنە سايكەس قازىرگى زامانعى ءبىلىم جۇيەسىن قۇرۋدى قاجەت ەتەدى. ءوز كەزەگىندە دەپۋتاتتىق كورپۋس وتاندىق ءبىلىم بەرۋ ساپاسىن ارتتىرۋ جونىندەگى مەملەكەتتىك شارالاردى قۇقىقتىق قامتاماسىز ەتۋگە, ساليقالى جانە ساپالى زاڭنامالىق جۇمىستى جۇرگىزۋگە باعىت الدى. وسى تۇرعىدان كەلگەندە 2007 جىلدىڭ ماۋسىمىندا پارلامەنت سەناتى تاراپىنان ء“بىلىم تۋرالى” جاڭا زاڭنىڭ قابىلدانۋى دا سوندىقتان.
سوڭعى كەزدە ەكونوميكاداعى ايتارلىقتاي وزگەرىستەرگە ساي ءبىلىم بەرۋ سالاسىنداعى قوعامدىق قارىم-قاتىناستاردى زاڭنامالىق رەتتەۋ, قازاقستان رەسپۋبليكاسىنىڭ ءبىلىم بەرۋ جۇيەسىن حالىقارالىق ءبىلىم بەرۋ كەڭىستىگىمەن ينتەگراتسيالاۋ جانە باسەكەگە قابىلەتتى ءبىلىم بەرۋ جۇيەسىن قالىپتاستىرۋ ءارى قاراي جەتىلدىرۋدى تالاپ ەتەدى. ورىن العان جاعدايدى سارالاۋ بارىسى ينجەنەر-پەداگوگ كادرلارىنىڭ; قىزمەت كورسەتۋ مەن تەحنيكالىق كادرلاردى دايارلاۋدا جۇمىس بەرۋشىلەردىڭ قاتىسۋىن ىنتالاندىرۋ, تەتىكتەردىڭ جەتىسپەۋشىلىگىن, اسىرەسە, اۋىلدىق ايماقتارداعى ارنايى مەكتەپتەر جەلىسىنىڭ دامىتىلماۋىن; جەرگىلىكتى جانە رەسپۋبليكالىق بيۋدجەتتەردەن قامتىلاتىن ورتا كاسىبي ءبىلىم بەرۋ جۇيەسى ارقىلى كادرلار دايىنداۋ ءۇشىن مەملەكەتتىك تاپسىرىس ورنالاستىرۋ مەن قارجىلاندىرۋدىڭ كولەمى, سونىڭ ىشىندە باستاپقى ءجانە ورتا كاسىبي ءبىلىم بەرۋ جۇيەسىندە قارجىلاندىرۋدىڭ جەتكىلىكتى بولماۋى تەحنيكالىق جانە كاسىبي ءبىلىم بەرۋ جۇيەسىن دامىتۋ فاكتورىنا كەرى اسەر ەتۋدە ەكەنىن كورسەتتى.
2005 جىلى جاريا ەتىلگەن وسكەمەن, شىمكەنت, پاۆلودار جانە اتىراۋداعى ەكونوميكانىڭ جەكەلەگەن سالالارىنا قىزمەت كورسەتۋ مەن تەحنيكالىق كادرلاردى قايتا دايارلاۋ جانە دايىنداۋ ورتالىقتارى ءالى كۇنگە جۇمىس ىستەمەۋدە. وسى پروفيلدەگى وقىتۋ مەكەمەلەرىندە تەحنولوگيالار بويىنشا جاڭا وندىرىستەردى قۇرۋداعى زاماناۋي وقىتۋ ۇدەرىستەرىنە سالىنعان قازىرگى زامانعى ماتەريالدىق-تەحنيكالىق بازا جوق (قازىرگى زامانعى وقىتۋ-وندىرىستىك لابوراتوريالار مەن شەبەرحانالاردان, وقىتۋ كابينەتتەرىنەن تۇرادى). ءبىزدىڭ پايىمداۋىمىزشا, وسى سالاداعى مەنەدجمەنتتىڭ تومەندىگى مەن قىزمەت كورسەتۋ ساپاسىن باقىلاۋ جۇيەسىنىڭ جەتىلدىرىلمەگەنىن بولەك ماسەلە ەتىپ كوتەرۋ كەرەك. قالىپتاسقان جاعدايدا, ءبىزدىڭ پايىمداۋىمىزشا, جاقىن بولاشاقتا ءار ءتۇرلى حالىق شارۋاشىلىق سالاسىنداعى ماماندارعا قاجەتتىلىك جونىندە تۇرعىنداردى اقپاراتتاندىرۋ جانە وڭىرلىك, سونداي-اق رەسپۋبليكالىق دەڭگەيلەردە ەكونوميكاداعى مامانداردىڭ قاجەتتىگى اۋانىن انىقتاۋ ءتاسىلىن جەتىلدىرۋ مەن ورتا بۋىن مامانداردى, ەكونوميكا قاجەتسىنىپ وتىرعان جوعارى كاسىبي جۇمىسشى كادرلارمەن قامتاماسىز ەتۋ ماسەلەلەرىن شەشۋدىڭ قىرلارىن قاراستىرۋىمىز قاجەت. جوعارىدا اتالعان پروبلەمالاردى ءتيىستى دەڭگەيدە شەشۋ جاڭا تەحنولوگيالار جونىندەگى جاڭا وندىرىستەرگە مامانداردى دايارلاۋدى باستاۋعا, ەكونوميكانى ءبىلىم بەرۋمەن بايلانىستىرۋعا مۇمكىندىك تۋعىزادى.
مەملەكەت باسشىسى ينفراقۇرىلىمدار مەن ەنەرگەتيكا, فارماتسەۆتيكا مەن حيميا, مەتاللۋرگيا, سەرۆيستىك قىزمەت پەن مۇناي وڭدەۋ, قۇرىلىس يندۋسترياسى, اگروونەركاسىپتىك كەشەندى جەدەلدەتىپ دامىتۋ قازاقستاننىڭ 2010 جىلدان باستالعان ۇدەمەلى يننوۆاتسيالىق دامۋىنىڭ باسىم باعىتتارىنىڭ جوسپارى بولىپ تابىلاتىنىن ەرەكشە اتاپ كورسەتتى. وسىعان سايكەس كوللەدجدەردە جانە كاسىبي مەكتەپتەردە ەڭبەككە قىزمەت كورسەتۋ مەن تەحنيكالىق كادرلاردى دايىنداۋ قۇرىلىس ماتەريالدارى مەن مەتاللۋرگيا, كولىك-لوگيستيكالىق قىزمەت كورسەتۋ, تاماق پەن توقىما ءوندىرىسى, اگروونەركاسىپتىك كەشەن, ماشينە جاساۋ, مۇناي-گاز سەكتورىن دامىتۋعا باعىتتالعان بولۋى ءتيىس.
قورىتا ايتقاندا, وڭىرلەردە ءتيىستى ماماندىقتار مەن ماماندارعا مەملەكەتتىك ءبىلىم بەرۋ تاپسىرىستارى قاراستىرىلعانى ءجون. ماقساتتى ترانسفەرتتەر مەن جەرگىلىكتى بيۋدجەتتەر ەسەبىنەن اۋىل شارۋاشىلىعى, قىزمەت كورسەتۋ باعىتى جانە قۇرىلىس سالاسى ءۇشىن بازالىق كاسىبي مەكتەپتەر اشۋ قاجەت.
اقان بيجانوۆ, سەناتتىڭ الەۋمەتتىك-مادەني دامۋ كوميتەتىنىڭ توراعاسى.