بىرنەشە وبلىستا اۋا رايىنىڭ قولايسىزدىعىنا بايلانىستى ەسكەرتۋ جاريالاندى. بۇل تۋرالى «قازگيدرومەت» رمك ورتالىعىنىڭ ماماندارى حابارلادى.
سينوپتيكتەردىڭ مالىمەتىنشە, اقمولا وبلىسىندا 13 قاڭتاردا, ياعني ەرتەڭ تاڭەرتەڭ جانە كۇندىز كەي جەرلەردە تۇمان ءتۇسىپ, بوران بولادى. وڭتۇستىك-باتىستان سوعاتىن جەلدىڭ جىلدامدىعى سەكۋندىنا 15-20 مەترگە جەتەدى. داۋىلدىڭ ىقتيمالدىعى 85-90 پايىز.
باتىس قازاقستان وبلىسىنىڭ كەي جەرلەرىندە بۇرقاسىن بولادى, باتىستان سوعاتىن جەلدىڭ جىلدامدىعى 15-20 مەتر بولادى.
سينوپتيكتەر 13 قاڭتاردا ورالدا كۇندىز بوران, باتىستان جەل سوعادى دەپ بولجاپ وتىر. ەكپىنى سەكۋندىنا 18 مەترگە جەتەدى. داۋىل ىقتيمالدىعى 90-95 پايىز.
قوستاناي وبلىسىندا جانە قوستاناي قالاسىندا تۇمان ءتۇسىپ, كۇندىز بۇرقاسىن بولادى.
قىزىلوردا وبلىسىندا, تۇركىستان جانە سولتۇستىك قازاقستان وبلىستارىندا تۇمان ءتۇسىپ, كوكتايعاق بولادى.