الماتى وبلىسىندا تىركەۋدە تۇراتىن 43 مىڭعا جۋىق وتباسىن 4 جانە ودان دا كوپ بالا تاربيەلەپ وتىر. ياعني, ايماقتاعى وسىنشا وتباسى جاڭارتىلعان باعدارلاما بويىنشا اتاۋلى الەۋمەتتىك تولەم الۋدى باستادى.
رەسپۋبليكالىق بيۋدجەتتەن تولەنەتىن مەملەكەتتىك جاردەماقى 4 بالا ءۇشىن - 42 496 تەڭگە, 5 بالا ءۇشىن – 53 127 تەڭگە, 6 بالا ءۇشىن - 63 757 تەڭگە, 7 جانە ودان كوپ بالاعا - 74 388 تەڭگە كولەمىندە بەرىلۋدە. سونداي-اق, وبلىس بويىنشا 18 جاسقا دەيىنگى 83 مىڭ بالانى الەۋمەتتىك قولداۋ ماقساتىندا 3,7 ميلليارد تەڭگە بولىنگەن. ونىڭ ىشىندە مەكتەپ جاسىنا جەتپەگەن 31 644 بالا جانە مەكتەپ جاسىنداعى 52 681 بالانى كيىم-كەشەك, ىستىق تاماق قامتۋ مەن قوعامدىق كولىكتە تەگىن ءجۇرۋى ءۇشىن ارانيى الەۋمەتتىك پاكەت جۇزەگە اسىپ وتىر.
جالپى, وبلىستىڭ «الەۋمەتتىك كارتاسى» شەڭبەرىندە كوپ بالالى جانە از قامتاماسىز ەتىلگەن وتباسىلارعا 3,5 ميلليارد تەڭگە كولەمىندە قولداۋ كورسەتىلىپ, ول قارجىنىڭ يگىلىگىن 106 مىڭ ادام كورگەن ەكەن. ونىڭ ىشىنە كوپ بالالى انالاردىڭ قالاداعى كوعامدىق كولىكتەرمەن تەگىن ءجۇرۋى, مەكتەپكە دەيىنگى مەكەمەلەردەگى تولەمدەردى سۋبسيديالاۋ, تابيعي گاز جەلىسىنە تەگىن قوسۋ جانە جوعارعى وقۋ ورىندارىندا وقۋ ءۇشىن ءبىلىم گرانتتارىن تاعايىنداۋى سياقتى شارالار كىرەدى.